Ўзбекистон республикаси олий ва ўрта махсус таълим вазирлиги якубов Кутфидин Аслиевич, Мирзаев Абдиалим Боймуродович,Бўриев

 
 
 
МУҚАДДИМА 
 
Сув таъминоти ва канализация тизимлари аҳоли яшаш ҳудудлари, турар 
жой бинолари, саноат корхоналарининг ажралмас қисми ҳисобланиб, объектга 
технологик қулайликлар яратиш ва уни ободонлашиш даражасини ошириш 
учун беқиёс аҳамиятга эга.Ушбу тизимлар мураккаб мухандислик тармоқлари 
ва иншоотлари мажмуаси бўлиб, жуда кенг соҳани қамраб олади. Хусусан, 
сувни қабул қилиш, уни тозалаш ва тайёрлаш, узатиш ва тарқатиш иншоот ва 
тармоқларидан бошлаб, ҳосил бўладиган оқова сувларни қабул қилиш 
жихозлари, оқиздириш тармоқлари, насослар, тозалаш иншоотлари, ҳосил 
бўладиган чўкмаларга ишлов бериш, уларни бартараф қилиш ҳамда тозаланган 
оқоваларни ҳавзаларга қўшиш ва бошқа турли иншоотлардан иборат.
Давлатимиз мустақилликка эришган йиллардан бошлаб сув таъминоти ва 
канализация соҳасини модернизация қилишга катта эътибор берилмоқда. 
Хусусан,шу йилларда Бухоро, Самарқанд, Гулистон, Жиззах, Қарши, Қуқон 
шаҳарлари сув таъминоти ва канализация тизимларини қайта қуриш ишлари 
амалга оширилди. Вазирлар Маҳкамасининг жорий йилда қабул қилинган
“2013-2018 йилларда Ўзбекистон Республикаси сув таъминоти ва канализация 
тизимини комплекс ривожлантириш ва модернизациялаш” Қарори [1] бунга 
яққол мисол бўла олади. 
Республикамизнинг барча шаҳарлари, шаҳар туридаги қўрғонлари ва анча 
қишлоқ аҳоли турар жойлари марказлаштирилган сув таъминоти ва 
канализация тизимлари билан таъминланган. Бундан ташқари Бухоро, Навоий 
ва Тошкент вилоятларининг 6 та шаҳарида идоравий канализация тизимлари 
мавжуд. Агар 1985 йилда оқоваларни тозалаш шахобчаларининг умумий 
қуввати 2,69 млн. м
3
/к-к ни ташкил этган бўлса, 2007 йилга келиб, бу қиймат 3,9 
млн. м
3
/к-к ни ташкил қилди[2]. 

---

7 
Республикамизда