Harbiy-texnik instituti konstitutsiyaviy huquq

Konstitutsiyaviy sud sudyalari O’zbekiston Respublikasi 
Konstitutsiyasining 108-moddasiga muvofiq daxlsizlik huquqidan 
foydalanadilar.
“O’zbekiston Respublikasining Konstitutsiyaviy sudi 
to’g’risida”gi Qonunining 21-moddasiga binoan mazkur sudyalar 
Konstitutsiyaviy sudning roziligisiz jinoiy va ma’muriy javobgarlikka 
tortilishlari, shuningdek, qamoqqa olinishlari mumkin emas. 
Konstitutsiyaviy sudning sudyasiga nisbatan jinoyat ishi faqat 
O’zbekiston Respublikasi Bosh prokurori tomonidan qo’zg’atilishi 
mumkin. 
Konstitutsiyaviy sud sudyasini majburiy keltirish, ushlab turish, xuddi 
shuningdek, uning shaxsiy ashyolarini, bagajini, transportini, 
uy-joyini, xizmat xonasini ko’zdan kechirishga yo’l qo’yilmaydi.
Konstitutsiyaviy sud sudyalarining vakolatlarini to’xtatish faqat 
“O’zbekiston Respublikasining Konstitutsiyaviy sudi to’g’risida”gi 
Konstitutsiyaviy qonunining 22-moddasida belgilangan hollarda 
Konstitutsiyaviy sud qarori bilan amalga oshirilishi mumkin. 
O’zbekiston Respublikasi Konstitutsiyaviy sudining vakolatlari va 
joriy faoliyati eng muhim konstitutsiyaviy prinsiplaridan biri bo’lgan sud 
hokimiyatining qonun chiqaruvchi va ijro etuvchi hokimiyatlaridan 
mustaqilligini o’zida ifoda etadi. Konstitutsiyaviy sud, boshqa sudlardan 
farqli ravishda, qonun chiqaruvchi va ijro etuvchi hokimiyatlarning 

---

637 
hujjatlari Konstitutsiyaga qanchalik mosligiga doir ishlarni ko’radi va hal 
qiladi, ishlarni ko’rishda va xulosa berishda faqat O’zbekiston 
Respublikasi Konstitutsiyasiga asoslanadi. 
Qonun chiqaruvchi va ijro etuvchi hokimiyatlarning hujjatlari 
Konstitutsiyaga qanchalik mosligiga doir ishlarni ko’radigan sud 
hokimiyati organi hisoblangan Konstitutsiyaviy sud O’zbekiston 
Respublikasi Konstitutsiyasining 109-moddasi va “O’zbekiston 
Respublikasining Konstitutsiyaviy sudi to’g’risida”gi Konstitutsiyaviy 
qonunining 4-moddasiga binoan: 
– birinchidan
, O’zbekiston Respublikasi qonunlarining va 
O’zbekiston Respublikasi Oliy Majlisi palatalari qarorlarining, 
O’zbekiston Respublikasi Prezidenti farmonlari, qarorlari va 
farmoyishlarining, hukumat, mahalliy davlat hokimiyati organlari 
qarorlarining, O’zbekiston Respublikasi davlatlararo shartnomaviy va 
boshqa majburiyatlarining O’zbekiston Respublikasining Konstitutsiyasiga 
muvofiqligini aniqlaydi; 
– ikkinchidan
, O’zbekiston Respublikasining Prezidenti tomonidan 
imzolanguniga qadar O’zbekiston Respublikasi konstitutsiyaviy 
qonunlarining, O’zbekiston Respublikasi xalqaro shartnomalarini 
ratifikatsiya qilish to’g’risidagi O’zbekiston Respublikasi qonunlarining 
O’zbekiston Respublikasining Konstitutsiyasiga muvofiqligini aniqlaydi; 
– uchinchidan
, Qoraqalpog’iston Respublikasi Konstitutsiyasining 
O’zbekiston Respublikasining Konstitutsiyasiga, Qoraqalpog’iston 
Respublikasi qonunlarining O’zbekiston Respublikasining qonunlariga 
muvofiqligi to’g’risida xulosa beradi;