Самарқанд иқтисодиёт ва сервис институти

ТАЙЁР МАҲСУЛОТ
- Корхонанинг техник шароит ва белгиларига жавоб 
берувчи тўлиқ ишлаб чиқариш натижасидаги маҳсулот. Тайёр маҳсулот техник 
назоратдан ўтказилиб, белгиланган ҳужжатлар тўлдирилиб кейин омборга берилади. 
Баъзи ҳолларда ишлаб чиқаришдан тўғридан-тўғри харидорга жўнатилади. Халқ 
хўжалигининг турли тармоқларида тайёр маҳсулот ҳисоби бўйича бирламчи 
ҳужжатлар турли ном ва шаклларда бўлади.
Таъмирлаш
ишлари деганда пудрат шартномасига кўра буюртмачиларга 
асосий, ёрдамчи ва хизмат кўрсатишга мўлжалланган объектларни техник-ишлаб 
чиқариш ҳолатини ишчи ҳолатда ушлаб туриш, уларнинг техник-иқтисодий 
даражасини сақлаш мақсадларида бажарилган ишлар тушинилади. Бу ишлар, одатда, 
буюртмачилар бино ва иншоатларининг миқдорий ҳажмини кенгайтирмайди. Бироқ, 
таъмирлаш ишлари буюртмачиларда меҳнат шароитларини, атроф муҳит муҳофазани
яхшилашга имкон беради. Таъмирлаш ишлари бошқа ишлар сингари шартнома 
назарда тутилган барча ишлар тугатилгач, пудратчи томонидан буюртмачига 
«Бажарилган ишлар (қилинган харажатлар) қиймати тўғрисида маълумотнома – счёт-

---

418 
фактура» асосида топширилади. Ушбу ҳужжат имзоланган ва тасдиқлангандан сўнг 
таъмирлаш ишлари пудратчи ташкилот учун бажарилган (сотилган) деб 
ҳисобланади. 
ТЕЗКОР ҲИСОБ
- хўжалик ҳисоби усулларидан бири. Тезкор ҳисоб маълум 
бир хўжалик жараёнини бевосита содир бўлаётган жойда ва вақтда рўйхатга олиш 
тизимидир. Тезкор ҳисоб маълум бир бўлим, цех, хўжалик фаолиятида режанинг 
бажарилиши ҳақида маълумотга эга бўлиши мақсадида ўтказилади. 
ТЕНДЕР
- товарни ўтказишга буюртма беришнинг ёки маълум бир ишни 
бажаришга пудрат тузишнинг махсус шакли бўлиб, савдо ташкилотчилари 
келишувини самарали тижорат ёки бошқа шартларини таъминлаш мақсадида бир 
неча мол етказиб берувчи ёки пудратчиларни жалб этишни кўзда тутади.