Самарқанд иқтисодиёт ва сервис институти

ЛИЦЕНЗИЯ
- (лотинчадан - учун, рухсат) расмий рухсат. Тижорат ама-
лиётида унинг икки асосий тури учрайди: экспорт ва импортга лицензия, ҳамда 
патентли лицензия. Маълум бир миқдордаги у ёки бу товар гуруҳларининг экс-порт 
ёки импортига лицензия давлат бошқаруви ташкилотлари томонидан бе-рилиб, 
ташқи савдо фаолиятини назорат қилиш шартларидан бири ҳисобланади.
ЛИФО
- 1. Товар-моддий бойликларини сўнгги қабул қилинган ёки тайёрланган 
партия баҳоси бўйича ҳисобга олиш усули. Лифонинг қўлланилиши фойда 
суммасини кўпайиши ёки камайиши имкониятини беради. 
2. Жамғармачига фоиз суммаларида ютуқни таъминловчи, банкдан жамғарма 
қисмини муддатидан олдин олишда фоизни ҳисоблаш усули. 
МАТЕРИАЛЛАР
- шундай буюмларки, уларга инсон меҳнати сарфланиб, тайёр 
маҳсулот олинади. Ишлаб чиқаришда ўз шаклини сақлаб қийматини тайёр 
маҳсулотга аста-секинлик билан ўтказувчи меҳнат воситаларидан фарқли ўлароқ, 
меҳнат буюмлари ўз қийматини маҳсулотга тўлиқ ўтказиб, ишлаб чиқаришда тўла 
истеъмол қилинади ва ҳар бир ишлаб чиқариш циклидан сўнг бошқа меҳнат 
буюмлари - материаллар ишлатилади. 1000-«Материалларни ҳисобга олувчи» 
счетлар корхонага тегишли мавжуд хомашё, ёқилғи, эҳтиёт қисмлар, идишлар, сотиб 
олинган ярим тайёр маҳсулотлар ва шунга ўхшаш бойликлар ва уларнинг ҳаракати 
ҳақидаги маълумотларни акс эттириш учун мўлжалланган.
МЕҲНАТ ҲАҚИ
- ишчи хизматчилар шахсий истеъмоли учун мўлжалланган 
миллий даромаднинг бир қисмидир. ҳар бир ишчи ва хизматчининг меҳнат ҳақи 
унинг сарфлаган меҳнатининг ҳажми ва сифатига боғлиқ. Мамлакатимизда рўй 
бераётган иқтисодий ўзгаришлар натижасида ҳар хил мулкчиликка асосланган қўшма 
корхоналар ташкил этилмоқда. Албатта, бу корхоналарда ишчи хизматчилар 
ишлайди, уларнинг оладиган даромадлари бажарадиган иш фаолиятларининг сифат 
даражасига кўра турлича бўлади.