Tushunchalarni boʻlish.Boʻlish va klassifikatsiya (tasnif)
5
Morris R. Cohen, Ernest Nagel. An Introduction to Logic and Scientific Method. New Delhi/ 2007.
P.238
384
Anʻanaviy yondashuvga koʻra ta‘rif berilgan turni jins va tur belgisiga
ajratishdan tashkil topadi. Lekin jinsning oʻzi ham har xil turlarga ajratilishi
mumkin. Masalan, tekis figura jins sifatida nafaqat uchburchak turlariga,
balki toʻrtburchak, konussimon kesim va shu kabilar turlariga ham ajratilishi
mumkin. Jinsning turlarini koʻrsatish mantiqiy boʻlish yoki Qisqacha boʻlish
deb ataladi
1
.
Tushunchaning hajmini unda aks etgan predmetlarni ayrim guruhlarga
(ayrim predmetlarga) ajratish yoʻli bilan aniqlashga
tushunchani boʻlish
deyiladi. Boʻlish amalini boʻlinuvchi tushuncha (hajmi aniqlanishi lozim
boʻlgan tushuncha), boʻlish asosi (predmetning tushunchada fikr qilinadigan
birorta umumiy belgisi) va boʻlish a‘zolari (boʻlish natijasida hosil
qilinadigan tur tushunchalar) tashkil etadi. Masalan, «inson»larni
(boʻlinuvchi tushuncha) jinsiga koʻra, (boʻlish asosi) erkak va ayollar (boʻlish
a‘zolari)ga ajratish yoʻli bilan uning hajmi aniqlanadi. Boʻlinuvchi tushuncha
– jins tushuncha, boʻlish a‘zolari – tur tushunchalar boʻlib, ular oʻzaro birga
boʻysunish munosabatidadirlar.
Tushunchalarni boʻlish amalini predmetlarni qismlarga ajratishdan farq
qilish lozim. Masalan, avtomobilni kuzov, shassi, dvigatel va shu kabilarga
ajratsak, uni qismlarga boʻlgan boʻlamiz. Predmetning qismi predmetning
umumiy belgilariga ega boʻlmasligi mumkin. Shuning uchun ham «Kuzov
avtomashinadir», degan mulohaza hosil qilsak, u xato boʻladi. Agar
«Avtomobil» tushunchasini «Engil avtomobil», «YUk tashuvchi avtomobil»
tushunchalariga ajratsak, uni boʻlgan boʻlamiz.
Boʻlishning ikkita turi mavjud: asos boʻlgan belgining oʻzgarishiga
qarab boʻlish va dixotomik boʻlish. Birinchi turida predmetning birorta
umumiy belgisi boʻlish uchun asos qilib olinib, uning oʻzgarishiga muvofiq
holda predmetlarning ayrim guruhlari aniqlanadi. Masalan, burchakning
oʻzgarishiga qarab «uchburchak» tushunchasi uchta tur tushunchaga: «toʻgʻri
burchakli uchburchak», «oʻtmas burchakli uchburchak», «oʻtkir burchakli
uchburchak»larga ajratiladi. Boʻlish asosi qilib boʻlinuvchi tushunchaning
mazmunida fikr qilinadigan har qanday umumiy belgini olish mumkin.
Masalan, «uchburchak» tushunchasini tomonlariga qarab «teng tomonli
uchburchak», «teng yonli uchburchak», «turli tomonli uchburchak»
tushunchalariga ajratish mumkin.
Tushunchaning qaysi belgisini boʻlish asosi qilib olish boʻlishda hal
qilinishi lozim boʻlgan vazifaga bogʻliq. Lekin qanday vazifani hal qilishdan
qat‘i nazar, boʻlish oʻzining obyektiv asosiga ega boʻlishi lozim, ya‘ni boʻlish
asosi boʻlgan belgi predmetning umumiy belgisi boʻlishi shart.
1
Morris R. Cohen, Ernest Nagel. An Introduction to Logic and Scientific Method. New Delhi/ 2007.
P.241
385
Do'stlaringiz bilan baham: |