K. Sh. Baltayeva, Sh. R. Aliyev

6. Bakteriya hujayrasining kiritmalari.
Hujayra ichidagi 
kiritmalarga glikogen va granulyozalar kiradi. Ularni Lyugol eritmasi 
bilan bo‗yab ko‗riladi, bunda glikogen qizg‗ish jigarrangga, granulyoza 
esa kulrang va havorangga bo‗yaladi. Glikogen donachalari aerob 
batsillalarda granulyoza esa ko‗pincha yog‗li-nordon bakteriyada uch-
raydi. Oltingugurt bakteriyalar sitoplazmasida (Beggiatoa) oltingugurt 
kolloid tomchilar shaklida to‗planadi. Oltingugurt asosan bakteriya 
hujayrasini energiya bilan ta‘minlashda ishtirok etadi. Lipoproteid 
tanachalar yog‗ tomchilar shaklida ko‗pincha batsilla va spirillalarda 
uchraydi. Ular uglevodi ko‗p bo‗lgan oziq muhitlarida bakteriyalarni 
o‗stirganda ko‗payadi va aksincha. Bu tanachalarni sitoplazmada fuksin 
bilan bo‗yab ko‗rish mumkin. Valyutin donachalari metaxromatik 

---

54 
granula (polimetafosfatlar) hisoblanib, ko‗pincha bakteriyaning chetida 
joylashadi. 
7. 
Bakteriya 
hujayrasining 
mezosomalari
. 
Mezosomalar 
bakteriyalar hujayrasining tarkibiy qismi bo‗lib, ular hujayraning 
bo‗linishi hamda oksidlanish-qaytarilish jarayonlarida ishtirok etadi va 
mitoxondriyalar vazifasini bajaradi. 
8. Bakteriya hujayrasining vakuollari
– suvda eruvchan turli 
moddalardan iborat bo‗lib, lipoproteid tabiatli membrana (monoplast) bilan 
o‗ralgan, vakuollar soni 6-10ta, faol o‗sish davrida 20 tagacha yetadi. Ayrim 
olimlarning fikricha vakuollar bakteriya hujayrasidagi zaharli moddalar – 
jumladan, ekzotoksin yig‗iladigan joy, ikkinchi guruh tadqiqotchilarning 
fikricha ko‗p suv to‗planganda hosil bo‗ladigan tuzilmalardir.
9. Bakteriya qobig„i. 
Bu sitoplazmatik membrana, hujayra devori 
va kapsula qavati, ayrim bakteriyalarda xaqiqiy kapsuladan tashkil 
topgan.