Loyiha O‘zbekiston respublikasi adliya vazirligi toshkent davlat yuridik universiteti

yakunlovchi qismida
ishtirokchilardan tushgan takliflar qo‘llanilgan 
ilmiy-texnik vositalar hamda tuzilgan reja, chizmalar haqidagi 
ma’lumotlar kiritiladi. 
Bayonnomaning yakunlovchi qismida videotasma, fotosurat, 
joyning chizmasi, turli marshrut yo‘nalishlarining grafiklari ilova 
qilinganligi ko‘rsatib tasdiqlanadi. Tergov harakati natijasida topilgan, 
olingan izlar, daliliy ashyolar, moddalardan olingan namunalar ro‘yxati 
keltiriladi. Tergov harakatining ishtirokchilari tomonidan qanday taklif 
mulohazalar keltirilganligi ko‘rsatilib, bayonnomaning mazmunida 
barcha harakat to‘la va aniq qayd etilganligi tasdiqlanib imzolanadi. 

---

240 
So‘roq bayonnomasi singari ko‘rsatuvni hodisa joyida tekshirish 
bayonnomasining har bir sahifasi tergov harakatining barcha 
qatnashchilari tomonidan imzolanib tasdiqlanadi. 
Bayonnoma va unga ilova qilingan chizmalar, ovoz va tasvir 
yozilgan tasmalar, tergov harakatida ishtirok etganlar, jumladan, 
xolislarga, mutaxassisga va ko‘rsatuvi tekshirilayotgan shaxslarga o‘qib 
beriladi va ular bayonnoma bilan tanishtirilganligi haqida imzo 
qo‘yadilar. Ko‘rsatuvni hodisa joyida tekshirish sud tarkibi tomonidan 
o‘tkazilgan taqdirda bu haqida yuqorida ko‘rsatilgan tartib va ketma-
ketlikda sud majlisi bayonnomasida qayd etiladi.
 
Nazorat savollari: 
1. 
Ko‘rsatuvlarni hodisa joyida tekshirish tergov harakati 
tushunchasi va vazifalarini tushuntirib bering. Ushbu tergov harakatini 
o‘tkazishdan ko‘zlangan maqsad nima?
2. 
Ko‘rsatuvlarni hodisa joyida tekshirishga tayyorgarlik ko‘rish 
bosqichida tergovchi tomonidan qanday chora-tadbirlar amalga 
oshiriladi?
3. 
Ko‘rsatuvlarni hodisa joyida tekshirishning protsessual tartibi va 
taktikasi haqida so‘zlab bering. Ushbu tergov harakatini o‘tkazishda 
tergovchi nimalarga e’tibor qaratishi lozim?