Loyiha O‘zbekiston respublikasi adliya vazirligi toshkent davlat yuridik universiteti

 
3)
Odam savdosi qurbonlarini muayyan yo‘nalish orqali 
manzilga etkazish.
 
Jinoyatchilar aksariyat hollarda o‘z qurbonlarini 
chegara hududlardan boshqa davlat hududiga olib o‘tadilar. Bunda 
ikkinchi davlat hududi tranzit vazifasini o‘taydi.
 
Tergov amaliyoti materiallariga ko‘ra odam savdosi jinoyati 
bo‘yicha ochilgan jinoyatlarning 11% ikki epizodli, 44% ikkidan 
beshtagacha epizodda sodir etilgan, 45% beshtadan ko‘p epizodli 
jinoyatlar ekanligi aniqlangan.
Tizimlashtirilgan ko‘rinishi quyidagi bosqilarda sodir etilishi 
mumkin: 
1-bosqich – jabrlanuvchilarni qiziqtirish (jalb qilish, o‘g‘irlash), 
ularni bir joydan ikkinchi bir joyga olib o‘tish va kontragentlarga sotish 
2- va 3- bosqichlar bilan birga amalga oshiriladi; 
2-bosqich – odam savdosi jinoyatida vositachilik qilishdan iborat. 
Bunda jabrlanuvchilarni jinoiy uyushmalardan sotib olish va uni 
yuqoriroq summaga sotish maqsad qilinadi. Ushbu bosqich ba’zi jinoiy 
guruhlar tomonidan amalga oshirilmaydi; 
3-bosqich – kontragentlardan odam savdosi qurbonini sotib olishni 
va uni ekspluatatsiya qilishni tashkil qilish bosqichi. 
Tizimlashtirilmagan odam savdosi quyidagi bosqichlardan iborat 
bo‘ladi:
1-bosqich– jabrlanuvchini odam savdosi jinoyatiga jalb qilish, uni 
qiziqtirish, o‘g‘irlash;
E’tibor qarating! 
Odam savdosi jinoyati 
tizimlashgan
va 
tizimlashtirilmagan
ko‘rinishda sodir etildi. 

---

413 
2-bosqich – jabrlanuvchilarni ekspluatatsiya joyiga olib borish;
3-bosqich – bevosita jabrlanuvchi ekspluatatsiya qilish jarayonidan 
iborat.
 
Odam savdosi jinoyatini sodir etish usullarini biz quyidagi 
bosqichlarni ajratib ko‘rsatishimiz mumkin: 
1-bosqich 
– odam savdosi jinoyatini sodir etish maqsadida jinoyat 
jabrlanuvchilarini qidirib topish.
- jabrlanuvchilarni do‘stlar yoki tanishlar orqali qidirib topish 
(17,7% holatlarda yuzaga keladi); 
- jabrlanuvchilarni ko‘chalarda, diskotekalarda, foxishaxonada, 
barlarda va boshqa tashkilotlarda uchrashib qolish natijasida (ushbu 
usuldan 11.1% holatlarda foydalaniladi); 
- reklama e’lonlari orqali ommaviy nashrlarga jurnallar, gazetalar, 
televideniya internet orqali aldov yo‘li bilan ma’lumotlar tarqatish 
(71,1% holatlarda);
- ishsizlarni pulga muhtojlagidan foydalanib, ularni mehnat 
birjalaridan qidirib topish orqali; jabrlanuvchilarni ma’lum bir ijtimoiy 
guruhlardan, ma’lum bir faoliyat yo‘nalishi bilan shug‘ullanuvchilar 
ichidan qidirish. Masalan, foxishalik bilan shug‘ullanadigan ayollar 
ichidan jabrlanuvchilarni topishga harakat qilish yoki shifoxonalardan 
insonlarning ma’lum bir organi xususiyatlari qon guruhi to‘g‘ri kelishi 
haqida ma’lumot olish maqsadida, yosh bolalarni bolalar uyidan, yangi 
tug‘ilgan chaqaloqlar bo‘lsa ulardan ota-onasi voz kechganlarini qidirish 
maqsadida tug‘ruqxonalardan, agarda ma’lum bir tana a’zolarini 
yo‘qotganlari bo‘lsa, ulardan sadaqa so‘roqchilar sifatida foydalanish 
maqsadida. Ushbu usuldan 11,1% holatlarda foydalanishadi.