Narzulla Jo„rayev O„zbekiston tarixi

«Partiyalarning paydo bo„lishi, ularning soni, dasturi, yo„l-yo„riqlarining o„ziga 
xosligi va hokazolar esa ijtimoiy manfaatlar yig„indisi va jamlanishi orqali tabiiy 
yo„l bilan belgilanmog„i kerak. Siyosiy partiyalar mavjud bo„lishining asosiy va 
birdan bir prinsipi davlatning konstitutsiyaviy me‟yorlarini hurmat qilish va 
ularga rioya etishdan iborat bo„lmog„i lozim»
– deb yozadi I.Karimov. 
Uchinchidan
, muxolifat haqida. Muallif tasavvurida muxolifatning mavjudligi 
demokratik jamiyat uchun zaruriy hodisa va normal holatdir. Biroq, bu shaxsiy 
manfaatlar zaminidan unib chiqqan, o„z orzu-umidlariga erishish uchun intilgan yoki 
jamiyatning orzu qilingan amallaridan mahrum etilgan bir hovuch norozi shaxslaridan 
iborat bo„lgan alamzadalar «armiya»si emas, aksincha, tashkiliy jihatdan 
rasmiylashgan, huquqiy maqomga ega bo„lgan, Konstitutsiya va amaldagi qonunlarga 
bo„ysunib yashashni turmush tarziga aylantirgan, o„z xatti-harakati bilan davlat va 
jamiyatdagi barqarorlikka mas‟ul bo„lgan yuksak darajadagi siyosiy madaniyat 
ko„rigidir. 
Haqiqiy muxolifat tom ma‟noda davlat va jamiyat taraqqiyotiga yordam beradigan, 
hukumat faoliyatining takomillashishiga ko„maklashadigan, konstruktiv, ilmiy va 
amaliy jihatdan asosli bo„lgan, hayotiy jihatdan xalq tomonidan ma‟qullangan 
xulosalar bilan yashaydi. Boshqacha bo„lishi mumkin emas. 
To„rtinchidan
, jamoatchilik fikrining qay darajadaligini bilish, uni shakllantirish 
va takomillashtirish, jamiyat va shaxs, davlat va fuqaro o„rtasidagi munosabatlarni 
chuqurlashtirish katta ahamiyatga ega. Bunda ommaviy axborot vositalari rolini 
oshirish zarur. Ayniqsa, o„tish davrida, tub islohotlar amalga oshirilayotgan bir paytda 
turli toifa, saviya va dunyoqarashga ega bo„lgan xalq fikrini bir nuqtaga jamlash, uni 
asosiy yo„nalishga burib turish islohotlar taqdirini hal qiladigan eng muhim 
omillardan biridir. Shuning uchun ham matbuotga munosabat uning jamiyatda tutgan 
o„rni va rolini aniqlash, «to„rtinchi hokimiyat» darajasiga ko„tarish zarur. 
Eskicha fikr yuritish, eskicha tafakkur tarzi hammavaqt yangilikning yo„lini 
to„sadi. Unga g„ov bo„ladi. Bu haqda gapirar ekan, Prezident Islom Karimov