Гистология цитология ва эмбриология проф. Қ. Р. Тўхтаев таҳрири остида

Сперматогенез.
Эркаклар жинсий ҳужайраси – сперматозоидлар 
уруғдоннинг эгри-бугри найларида пайдо бўлади. Сперматогенез деб 
номланувчи бу жараѐн организм балоғат ѐшига етганда бошланади. 
Уруғдонда спрематозоидларнинг ишлаб чиқарилиши жинсий фаоллик 
сўнгунга қадар давом этади ва эгри-бугри най деворида сперматогенезнинг 
турли даврига мансуб бўлган жинсий ҳужайралар маълум бир тартибда 
жойлашади. Сперматогенез жараѐни 4 даврга бўлиб ўрганилади: 1) кўпайиш; 
2) ўсиш; 3) етилиш; 4) шаклланиш. 
Кўпайиш 
даврида базал мембранада ѐтувчи сперматогонийларнинг 
митоз бўлиниши содир бўлади. Сперматогонийлар орасида қорамтир, резерв, 
бўлинмайдиган - А турдаги ўзак ҳужайралар ва оқиш, тез бўлинувчи – А 
турдаги ярим ўзак ҳужайралар фарқланади. Оқиш А ҳужайраларнинг 
бўлиниши ҳисобига дифференциалланувчи ҳужайралар ҳосил бўлади. Базал 
мембранада ѐтувчи мазкур ҳужайралар митоз йўли билан бўлиниб кўпаяди, 
бир-биридан тўлиқ ажралмай цитоплазматик кўприкчалар орқали боғланиб 
синцитийларни ҳосил қилади. Бу ҳолат базал мембранага сиғмаган 
ҳужайраларни кейинги қаватга кўтарилишига олиб келади. Сперматоген 
эпителийнинг иккинчи қаватини ҳосил қилган мазкур ҳужайралар энди 
митотик бўлиниш қобилиятини йўқотади ва сперматогенезнинг кейинги 
ўсиш даврига ўтиб, 1-тартибли сперматоцитларга айланади.
Ўсиш даври
5 та фазани ўз ичига олади: 1) лептотена; 2) синаптена; 
3) пахитена; 4) диплотена; 5) диакинез. 

---

Лептотенада 
сперматоцитларнинг хромосомалари спираллашади ва 
улар ингичка узун ип шаклида кўринадиган ҳолатга келади. 
Синаптена ѐки зиготенада 
гомологик хромосомалар бивалентларни 
ҳосил қилиб жуфтлашади (конъюгация) ва хромосомалар чирмашади 
(кроссинговер) ва улар орасида ген алмашинуви содир бўлади.
Пахитена 
бивалентлар таркибидаги хромосомаларнинг янада 
спираллашиши, натижада уларнинг йўғонлашиши ва калталашиши билан 
тавсифланади.
Диплотенада 
бивалентлар таркибидаги хромосомалар ва хромосомалар 
таркибидаги хроматидалар бир-биридан ажрала бошлайди, улар орасида 
ѐриқлар ҳосил бўлади, лекин тўлиқ бир-биридан ажралмайди.
Диакинез 
бивалентлар таркибидаги хромосомаларнинг кейинги 
спираллашуви ва тетрадаларнинг ҳосил бўлиши билан тавсифланади. Ҳар 
бир бивалентдан 4 та хроматида ѐки монададан иборат битта тетрада, жами 
23 тетрада ҳосил бўлади. Тетрадалар тутувчи ҳужайралар биринчи тартибли 
сперматоцитлардир. Ўсиш даврининг охири биринчи тартибли сперматоцит 
(тетрада) пайдо бўлиши билан тугалланади, сўнгра етилиш даври бошланади.