Radio jurnaliSTİKA

Telefon proqramları üçün görülməsi zəruri olan işlər:
Deyilənləri ümumiləşdirsək nələri nəzərə almalıyıq:
1. Verilişi telefon xidməti ilə müzakirə etmək 
və telefon xətlərində baş verən problemləri 
əvvəlcədən həll etmək. Siz bütün, hətta 
cavablanmamış zənglərin də sayılmasını istəyirsiniz?
2. Verilişin məqsədini və növünü müəyyənləşdirmək.
3. Studiyada lazım olan dəstək heyətinin səviyyəsini 
müəyyənləşdirmək. Bura seçim prosesi, gerizənglər, 
təcili araşdırma, operativ nəzarət və zənglərin 
ötürülməsi daxildir. 
4. İstinad olunacaq materialları toplamaq.
5. “Zənglərə möhlət vermə”nin istifadə olunub-
olunmaması haqqında qərar vermək.
6. “Ötürülmənin qeydə alınması”nı təşkil etmək.
7. Kənar agentliklərlə əlaqələrin müvafiq izlənməsini 
yaratmaq.
VI BÖLÜM
İRİHƏCMLİ PROQRAMLARIN HAZIRLANMASI /
TELEFON PROQRAMLARI 

---

74
VI BÖLÜM
İRİHƏCMLİ PROQRAMLARIN HAZIRLANMASI /
STUDİYADANKƏNAR YAYIM
İctimai marağın yönəldiyi hadisələrin işıqlandırılması 
baxımından stansiyaların studiyadan kənara 
çıxaraq minlərlə insanın iştirak etdiyi hansısa 
tədbiri işıqlandırması, öz səyyar maşınlarını şəhərin 
gur yerlərində quraraq canlı yayım aparması çox 
əhəmiyyətlidir. Kütləvi tədbirlər – konsert, sərgi, 
bayram toplantıları, müxtəlif mərasimlər, idman 
yarışları, seçkiqabağı görüşlər, geniş müşavirə və 
ya nümayişlər yayımçının diqqətini cəlb etməlidir. 
Dinləyicilər də bütün bunlara ciddi maraq göstərir. 
Həm də studiyanın hüdudlarından kənara çıxmaq, 
ətrafda baş verənlərə diqqət yetirmək cəmiyyətin 
radiostansiyaya olan etimadının artması üçün 
vacibdir. İnsanların gur olduğu məkanlara getmək, 
auditoriya və cəmiyyətlə təmas baxımından, eləcə də 
radionun maraq və fəaliyyət prinsipləri baxımından 
da önəmlidir. Digər tərəfdən studiyadankənar yayım 
insanların radionun müstəqil, güvənli və əlçatan 
olması haqqında qənaətlərini möhkəmlədir. 
Studiyadankənar yayımın uğurla gerçəkləşdirilməsi 
üçün aşağıdakı qaydalara əməl olunması önəmlidir: