Тошкент давлат юридик университети ихтисослаштирилган филиали 2-курс талабалари учун

5-VARIANT 
 
 
 
A bo‘lim. Savol:
1.Musodara qilish mazmuni va xususiyatlari tahlil qiling. Tahlil 
qilishda amaliy misollardan foydalaning.
Bu savolga yondashar ekanmiz, biz bilamizki O‘zbekiston Respublikasi 
qonunchiligiga ko‘ra Ma’muriy jazo choralari 6 ta turni o‘z ichiga oladi. Ya’ni: 
1) jarima,
 
 
 
 
 
 
 
 
2) ma’muriy huquqbuzarlikni sodir etish quroli hisoblangan yoki bevosita 
shunday narsa bo‘lgan ashyoni haqini to‘lash sharti bilan olib qo‘yish,
 
3) ma’muriy huquqbuzarlikni sodir etish quroli hisoblangan yoki bevosita 
shunday narsa bo‘lgan ashyoni musodara qilish,
 
4) muayyan shaxsni unga berilgan maxsus huquqdan (transport vositasini 
boshqarish huquqidan, ov qilish huquqidan) mahrum etish,
 
5) ma’muriy qamoqqa olish,
 
6) chet el fuqorolarini va fuqoroligi bo‘lmagan shaxslarni O‘zbekiston 
Respublikasi hududidan ma’muriy tarzda chiqarb yuborish. 
Ko‘rib turganimizdek, musodara qilish, ya’ni ma’muriy huquqbuzarlikni 
sodir etish quroli hisoblangan yoki bevosita shunday narsa bo‘lgan ashyoni 
musodara qilish ma’muriy jazo chorasi sifatida qo‘llaniladi. Endi esa Musodara 
qilish mazmuni haqida, 
O‘zbekiston Respublikasining Ma’muriy Javobgarlik 
to‘g‘risidagi Kodeksinig 27- moddasi
ga asosan,
Ma’muriy huquqbuzarlikni sodir etish quroli hisoblangan yoki bevosita 
shunday narsa bo‘lgan ashyoni musodara qilish shu ashyoning haqini to‘lamasdan, 
majburiy tarzda davlat mulkiga o‘tkazishdan iborat bo‘lib, ushbu chora: jinoyat 
ishlari bo‘yicha tuman (shahar)sudi tomonidan, bojxona organlari tomonidan — 
aktsiz markalari qo‘yilmagan tamaki mahsulotlari va alkogolli ichimliklarni 
O‘zbekiston Respublikasi hududiga olib kirilganda, transportirovka (xalqaro tranzit 
bundan mustasno) qilinganda va saqlanganda, shuningdek, eksport qilinishi man 
etilgan buyumlar va mahsulotlar O‘zbekiston Respublikasi tashqarisiga olib chiqib 
ketilayotgan hollarda, soliq organlari tomonidan — aktsiz markalari qo‘yilmagan 
tamaki mahsulotlari va alkogolli ichimliklar saqlanganda, realizasiya qilinganda, 
shuningdek, yashirin ravishda ishlab chiqarilganda qo‘llaniladi.

---

Basharti O‘zbekiston Respublikasi qonunlarida boshqa qoida nazarda 
tutilmagan bo‘lsa, faqat huquqbuzarning shaxsiy mulki bo‘lgan ashyogina musodara 
qilinishi mumkin. Hamda shuni takidlash mumkin lozim. O‘qotar qurollar va o‘q-
dorilarni, boshqa ov qurollarini musodara qilish asosiy tirikchilik manbai ovchilik 
bo‘lgan shaxslarga nisbatan qo‘llanilishi mumkin emas.
Musodara qilish chorasini qo‘llanish tartibi ushbu Kodeks va O‘zbekiston 
Respublikasining boshqa qonun hujjatlari bilan belgilab qo‘yilgan. Ma’muriy 
tartibdagi musodara qilishni jinoiy javobgarlik chorasi sifatidagi musodara qilishdan 
farqlashimiz lozim. Ma’muriy tartibdagi musodara qilish jinoyat uchun emas, balki 
ma’muriy huquqbuzarlik uchun qo‘llaniladi. Bundan tashqari, huquqbuzarning 
umuman mulki emas, balki ma’muriy huquqbuzarlikni sodir etish quroli 
hisoblangan yoki bevosita shunday narsa bo‘lgan ashyogina davlat mulkiga 
o‘tkazilishi mumkin.