Тошкент давлат аграр университети н. Т. Хакимова, Р. К. Саттарова

Ёритгич ёки Аббе конденсори
. Бунга микроскоп столчасининг остидаги 
ирис диафрагма бириктирилган бўлади. Конденсор линзаларнинг мураккаб 
системасидан иборат бўлиб, микроскопнинг кўрув майдонини бир текис 
яхши ёритиш учун керак. Кўзгудан ёритгичга тушадиган нурлар тутами шу 
ерда йиғилади, ёритгичдан янада равшанроқ паралел нурлар тутами чиқиб, 
объектив линзасига тушади. Шу сабабли кўзгудан ва ёритгичдан 
фойдаланганда микроскопнинг кўрув майдони кўзгунинг ёлғиз ўзидан 
фойдаланишга қараганда яхшироқ ёритади. 
Нарсаларни камроқ ва ўртача катта қилиб кўрсатадиган объективлардан 
фойдаланганда ёритгични тушириб қўйиш керак, чунки бундай 
объективларнинг линзалари каттароқ бўлади, ёритгич тушуриб қўйилганда 
ҳам уларга етарли ёруғлик тушаверади, ёруғлик ҳаддан ташқари равшан 
бўлса, микробларни кўриш қийинлашади. Иммерсион объективдан 
фойдаланилганда ёритгич буюм столнинг томонига тегизилади, чунки 
иммерсион объектив линзаси жуда кичик бўлади, ёритгич шу линзага қанча 
яқин бўлса, унга шунга кўпроқ нур тушади. Тушадиган ёруғлик нурларини 
ирис диафрагма ёрдами билан ҳам ўзгартириш мумкин. Иммерсион объектив 
билан ишлаганда диафрагмани бутунлай очиб қўйиш керак. 
Микроскопда ишлашнинг асосий қоидалари. 
Микроорганизмлардан 
тайёрланган препаратни микроскопда текшириш учун қуйидаги ишлар 
бажарилади
: 
1.Микроскопни иш жойига қулай қилиб ўрнатиб, ёруғликни тўғрилаш. 
2.Микроскопнинг буюм столчасига тайёр бўялган мазокни қўйиб, 
тутқичлар билан маҳкамлаш. 
3.Текширилаётган материални яққол ва яхши кўринадиган жойини топиб, 
препаратни қуруқ объективларда (8,40) кўриш. 

---

8 
4.Микроскопнинг тубуси кўтарилади ва револьвер ёрдамида иммерсион 
объектив (90, 120) ўрнатилади. 
5.Препарат устига таёқчада бир томчи иммерсион мойи томизилади, 
мойга иммерсион объектив туширилади. Микроскопнинг кўрув майдонида 
объект (текшириладиган нарса) кўринади. Шундан кейин микровинт билан 
фокус аниқ тўғриланади, натижада равшан, аниқ тасвир вужудга келади. 
Объективни макровинт билан жуда секин ва авайлаб тушириш керак, акс 
ҳолда объектив линзаси буюм столчасига тақалиб, бузилиб қолади. 
6.Иммерсион объектив ишлатилгандан сўнг уни тозалаш, яъни бензинга 
ҳўлланган латта билан мойни артиш керак.