60 ёшли "C" исмли фуқаро (эркак) пенсияга чиққандан кейин ўз туманидаги

---

КАЗУСЛАР 
 
1.
60 ёшли “C” исмли фуқаро (эркак) пенсияга чиққандан кейин ўз туманидаги
36-сон мактабга ишга қабул қилинди. Орадан бир йилдан ўтгандан сўнг меҳнат 
шартномаси иш берувчининг ташаббуси билан бекор қилинди. Ишсиз қолган “C” 
туманида жойлашган меҳнат органига ишсизлик нафақаси тўлаш юзасидан мурожаат 
қолдирди. Аммо маҳаллий меҳнат органи мурожаатни рад этди. 
Вазиятга ҳуқуқий баҳо беринг. 
2.
“Д” исмли аёл Асака банкнинг Тошкент шаҳар, Мирзо Улуғбек туман 
филиалида ҳисобчи лавозимида ишларди. У иш берувчига уч ёшга тўлмаган боласи 
борлиги ва унга иш вақтининг қисқартирилган муддати белгиланиши юзасидан мурожаат 
қилди. Иш берувчи унинг мурожаатини қаноатлантирмади. “Д” ўзининг ҳуқуқлари 
бузилганлигини важ қилиб, туман прокуратурасига мурожаат билан чиқди. 
Вазиятга ҳуқуқий баҳо беринг. 
3.
Ўн саккиз ёшга тўлмаган “A” исмли фуқаро билан тузилган меҳнат шартномаси 
иш берувчининг ташаббуси билан, маҳаллий меҳнат органининг розилигини олган ҳолда 
бекор қилинди. Иш берувчи унга ишдан бўшатилганлиги тўғрисидаги буйруқ нусхасини 
берди. Орадан икки ой ўтгач, “A” судга уни ишга тиклаш юзасидан даъво аризаси билан 
мурожаат қилди. Суд даъво аризасини иш юритувига қабул қилишни рад этди. 
Вазиятга ҳуқуқий баҳо беринг. 
4.
“Д” исмли фуқаро Сирдарё туман Молия бўлимида ғазначи лавозимида 
ишларди. Иш берувчи унга 2021 йил 19 августда мажбурий тартибда эмланиши 
лозимлигини айтди. Аммо “Д” иш берувчининг талабини бажармади. Иш берувчи эса у 
билан тузилган меҳнат шартномасини бекор қилди.
Вазиятга ҳуқуқий баҳо беринг. 
5.
Навоий шаҳар 24-мактабда бир неча йилдан бери ўриндошлик асосида 
ишлайдиган Кадирова билан тузилган меҳнат шартномаси унинг ўрнига доимий 
ишлайдиган ходим ишга олинаётганлиги сабабли бекор қилинди.
Бундан норози бўлган Кадирова судга ариза билан мурожаат қилди.