O’zbekiston respublikasi oliy va o’rta maxsus ta’lim vazirligi samarqand davlat universiteti geografiya va ekologiya fakulteti ekologiya kafedrasi

 
7.2. Ta’lim dasturlarining tadbiq etilishi 
5630100-Ekologiya va atrof muhit muhofazasi (fan va ta’lim
)
ta’lim yo’nalishi bo’yicha bakalavrlarni 
tayyorlash ta’lim dasturi rivojlantiruvchi o’qitish, axborot texnologiyalari va o’qitishning zamonaviy texnik 
vositalaridan foydalanilgan holda tayyorlashning ushbu yo’nalishi bo’yicha akkreditasiya qilingan oliy ta’lim 
muassasalarida amalga oshirilishi kerak. 
Talabalar xorijiy tillarni o’zlashtirishi, xorijiy tillarni o’qituvchilar o’qitishi hamda buning uchun zarur 
bo’lgan sharoitlar yaratilishi bakalavrlarni tayyorlashda bosh vazifa bo’lishi kerak. 
Malakaviy amaliyotlar zamonaviy korxonalarda, tashkilotlarda va ITIlarda o’tkaziladi, ular talabalarni 
amaliyot dasturlarida ko’zda tutilgan ish joylari bilan ta’minlashlari kerak. 
O’qish davrida talaba kamida ikkita Davlat attestasiyalarini (gumanitar va ijtimoiy-iqtisodiy va chet tili 
fanlaridan) topshiradi va bitiruv malakaviy ishini himoya qiladi. Davlat attestasiyasi mos integrallashgan kurslar 
bo’yicha o’quv jarayoni tugallangandan keyin topshiriladi. 

---

27 
 
7.3. Malakaviy amaliyotlarni tashkil etish talablari
Amaliyotlar bakalavriat asosiy ta’lim dasturining majburiy bo’lagi hisoblanadi. Amaliyotlar o’quv yoki 
o’quv-ishlab chiqarish mashg’ulotlari ko’rinishida bo’lib, talabalarning kasbiy-amaliy tayyorgarlanganligiga 
bevosita yo’naltirilgan bo’ladi. Bakalavrlar tayyorlashning ta’lim dasturi – o’quv-tanishuv, ishlab chiqarish va 
texnologik-konstruktorlik amaliyotlarini o’z ichiga oladi. 
O’qishning birinchi yilida o’quv-tanishuv amaliyoti o’tkaziladi, maqsad – o’qiyotganlarni oliy ta’lim 
muassasasi, O’zR FAning ilmiy-tadqiqot institutlari va boshqa davlat va nodavlat ilmiy muassasalari 
laboratoriyalarining mavzulari va ularda ilmiy-tadqiqotlarni tashkil qilish hamda talabalarni mos yo’nalishdagi 
muassasalarga ishga joylashtirish imkoniyatlari bilan tanishtiriladi. Amaliyot natijasi va hisoboti baholash 
me’zonlari asosida baholanadi. 
O’quv tanishuv amaliyoti tabiatdan foydalanishda resurs tejamkor zararsiz texnologiyalardan foydalanish 
va atrof muhitga ta’sirni baholash ishlarining turlarini; ishlab chiqarish ko’nikmalarini egallashga mo’ljallangan. 
Amaliyotni o’tkazish muddatlari o’quv rejasi bilan aniqlanadi. Amaliyot tugagandan so’ng talabalar 
bajarilgan ish haqida amaliyot o’qituvchilari-rahbarlari va qabul qiluvchi tashkilot vakillaridan tarkib topgan 
komissiya oldida hisobot berishadi. Baholash shakli o’quv rejasida belgilanadi. 
Ishlab chiqarish amaliyoti talabalarni Malakaviy o’quv amaliyotlari botanika, zoologiya, kimyo, geologiya, 
gidrologiya, tuproqshunoslik va dehqonchilik va atrof muhitga bo’ladigan ta’sirni baxolash fanlari bo’yicha 
o’tkaziladi. 
Talabaning ilmiy-tadqiqot ishi amaliyotning bir bo’lagini tashkil qilishi mumkin. Ilmiy-tadqiqot ishi 
bitiruvchilarda kasbiy kompetensiyalarni shakllantirish va mustahkamlashga ko’maklashadi. U bitiruvchini 8 
semestrda kafedraning ilmiy ishida albatta ishtirok etishini, kurs ishlarini kasbiy (maxsus) siklning bazaviy fanlari 
mavzusi bo’yicha bajarilishi va himoya qilinishini, talabalarning talabalar ilmiy jamiyati yo’nalishi bo’yicha ilmiy 
ishda ishtirok etishini va bitiruv malakaviy ishni kafedraning ilmiy mavzusi bo’yicha bajarilishini nazarda tutadi. 
Talabalar ilmiy-tadqiqot ishining tashkil qilinishi quyidagilar bilan ta’minlanishi kerak: 
- kurs ishlarining har yili yangilanadigan mavzulari haqida o’qiyotganlarni o’z vaqtida xabardor qilish; 
- chiqaruvchi fakultet (kafedra)ning ilmiy mavzusi bo’yicha ilmiy-tadqiqot ishlarini bajarishi uchun 
laboratoriyalarda o’qiyotganlarni ish joyi bilan ta’minlash; 
- oliy ta’lim muassasasining axborot resurs markazida mustaqil ilmiy-tadqiqot ishni olib borish 
imkoniyatini taqdim etish; 
- talabalar ilmiy jamiyatining konferensiyalarini tashkil qilish; 
- talabalar ilmiy konferensiyasi g’oliblariga mamlakatning boshqa oliy o’quv yurtlariga ma’ruzalar bilan 
chiqish imkoniyatlarini taqdim etish.