T a'lim sifatini baholash bo ‘ yicha xalqaro tadqiqotlarni

XALQARO TADQIQOTLARGA TAYYORGARLIK KOʻRISHGA
YOʻNALTIRILGAN TAYANCH MAKTABLARI UCHUN TRENINGLAR O‘QUV 
 
DASTURINING 
MATEMATIK SAVODXONLIK 
BO‘LIMIGA
 
KIRISH 

---

20
oʻrganib, tahlil qila olish va ulardan oʻz amaliy faoliyatlarida foydalanish; 
- oʻtgan yillarda oʻtkazilgan xalqaro baholash dasturlarida taqdim etilgan 
topshiriqlarni tahlil qilish; 
- xalqaro baholash dasturlarini oʻzida mujassamlashtirgan innovatsion 
metodlari asosida dars ishlanmalarini ishlab chiqish; 
- oʻqituvchilarning mustaqil ishlash faoliyatlarini tashkil etish. 
Oʻquv dasturida ta’limdagi islohotlar, metodologiya, baholash shakllari 
va mezonlari, XXI asr koʻnikmalari, test va topshiriqlar turlari, xalqaro baholash 
mezonlari, xalqaro tajribalar kabi berilgan mavzular asosida tinglovchilarning 
o‘quvchilarda matematik savodxonligini, shunigdek xalqaro tadqiqotlarda 
baholanayotgan kompetensiyalarni rivojlantirish boʻyicha kasbiy mahoratini 
oshirish nazarda tutilgan. 
Dastur ta’limdagi islohotlar, faol oʻqitish metodlari va metodologiya, 
xalqaro tadqiqotlar haqida umumiy ma’lumotlarni tizimli yetkazib berish 
maqsadlarini o‘z ichiga oladi. Shu 
bilan birga, amaliy mashgʻulotlar 
sifatida vazifalar berilgan bo‘lib, ular xalqaro tadqiqot doirasida berilayotgan 
topshiriqlar ustida ishlash tajribalarini orttirishga qaratilgan. 
Ushbu oʻquv dasturidan o‘rin olgan mashgʻulotlar, tayanch maktablarida aniq 
fanlar o‘qituvchilarining metod kunlarida ikki haftada bir marta tashkil etilishi 
nazarda tutilgan.
Oʻquv dasturidagi mavzular bir yilga moʻljallangan boʻlib, 17 ta oʻquv 
mashgʻulotiga taqsimlangan. Har bir oʻquv mashgʻulotining davomiyligi 
astronomik 3 soat qilib belgilangan boʻlib, jami 51 soatni tashkil etadi. 
Berilgan mavzularni mazmunan keng qamrab olishni ta’minlash maqsadida 
oʻquv mashgʻulotlari uchun ajratiladigan vaqtni quyidagicha taqsimotlash 
tavsiya etiladi: 
nazariy -25 daqiqa; tanaffus -5 daqiqa; 
amaliy- 80 daqiqa; tanaffus- 10 daqiqa; 
mustaqil ish - 60 daqiqa.
O‘quv dasturidagi mashg‘ulotlarning nazariy jihatdan yoritib berilishi 
uchun tayanch maktablarining matematik savodxonlik yo‘nalishi bo‘yicha 
trener o‘qituvchilari tomonidan xar bir mavzu bo‘yicha taqdimotlar 
tayyorlangan holda tinglovchilarga atroflicha tushuntirib berilishi lozim 
bo‘ladi.
Amaliy mashgʻulot sifatida berilgan mavzular xalqaro baholash 
dasturlari doirasidagi topshiriqlarni yechish bo‘yicha amaliy ko‘nikma 
va tajribalarni orttirishga mo‘ljallangan bo‘lib, unda trener o‘qituvchilar 
mashg‘ulotlarni 

---

21
tinglovchilar bilan birgalikda bajaradilar. 
Ma’ruza va amaliy mashg’ulotlar davomida olingan bilimni mustahkamlash 
maqsadida mustaqil ish mavzulari ham berilgan bo‘lib, ular tinglovchilar 
tomonidan mustaqil ravishda bajarilishi ko‘zda tutilgan. 
Mustaqil ish jarayonida har bir tinglovchi berilgan topshiriq asosida 
o‘quvchilarning matematik savodxonligi kompetensiyalarini baholashga 
qaratilgan topshiriqlar ustida mustaqil ravishda ishlaydi, tahlil qiladi, qaysi 
kompetensiya baholanayotgani o‘rganiladi. O‘rganish va tahlil natijalari guruh 
ichida taqdimot qilinadi. 
Topshiriqda baholanishi ko‘zda tutilayotgan kompetensiyalarni 
o‘quvchilarda rivojlantirishning zamonaviy usullari muhokama qilinadi. 
Natijada, tinglovchilar matematik savodxonlikni baholash va rivojlantirishning 
zamonaviy modellari, shu jumladan xalqaro baholash dasturlarida matematik 
savodxonlikni baholash usullari, undagi berilayotgan topshiriqlarning o‘ziga 
xos xususiyatlari haqida tasavvurlarini boyitish hamda o‘zidan keyingi 
tinglovchilarga yetkazib berish ko‘nikmalarini shakllantirishga erishiladi.
O‘z navbatida ushbu mashg‘ulotlarda qatnashib, bilim va ko‘nikmalarga 
ega bo‘lgan tinglovchilar umumta’lim maktablarining tegishli fan o‘qituvchisi 
sifatida darslar orqali o‘tilayotgan mavzularni real hayotiy vaziyatlarga 
bog‘lagan holda tashkil etish yo‘lida tajriba orttirishi ko‘zda tutilgan. 

---

22
T/r