KBaxt va muvaffaqiyat sirlari

1-ijodiy faoliyat
Mulohaza uchun
Ma’naviyat xazinasidan

---

83
Tarbiya 8-sinf
Yon-atrofdagilarga foydamiz tegmasa, demak, vaqt behuda ketibdi.
Kunni rejalashtirish yaxshi. 
Biroq muhimidan nomuhimini farqlay bilmoq 
kerak. Muhimi, asosiy vaqtni ajratib, behuda yumushlarga o‘ralashib qolinmasa, 
vaqt barakali bo‘ladi.
Umrning hamma soatlarini foydali va kerakli mashg‘ulot bilan to‘ldirish 
asnosida g‘am-alam bosh suqadigan joy qolmaydi. Vaqt mazmunli va foydali 
o‘tadi.
O‘tayotgan har daqiqa-yu soniya, soat, kun inson 
umrining xatosiz o‘lchovidir.
Kim bo‘lishingiz va yoshingiz, daromadingiz va 
e’tiqodingizdan qat’i nazar vaqtingiz chegaralangan. Shuning uchun hayotda 
qancha vaqtning borligi emas, uni qanday sarflashning ahamiyati muhim. 
Muvaffaqiyatsizlikning bosh sababi.
Zarur ishning kerakli vaqtda 
qilinmasligi. Juda band odam ham vaqtni taqsimlashda donolik qilsa, 
muvozanatni saqlashi, salomatligi yoki hayotini himoya qilishi mumkin.
Quyidagi savollarga javob berib ko‘ring.
1. Odatda, insonlar eng ko‘p yo‘qotadigan, shu bilan birga ularga eng ko‘p 
asqotadigan narsa nima?
2. Kishi hayotida ko‘pincha nimadan qarzdor bo‘ladi?
 
Javoblaringizni tekshiring. 
Bu: kishilar tomonidan behudaga sarflangan vaqt hamda o‘zlariga tegishli 
bo‘lmagan fursat.
Vaqtdan. Chunki inson uchun vaqt bir paytning o‘zida – boy berilgan fursat, 
qadriga yetilmagan ne’mat, foydalanilmagan imkoniyat bo‘lishi mumkin…

---

84
IV bob. Taraqqiyot va biznes – ilm-fan va yaratuvchanlik mevasi
Agar bir umrning qadrini bilmoqchi bo‘lsang – kapa- 
laklardan so‘ra.
Agar 10 yilning qadrini bilmoqchi bo‘lsang – 20 
yoshida nogiron bo‘lib qolgan 30 yoshli odamdan so‘ra.
Agar 1 yilning qadrini bilmoqchi bo‘lsang – imtihon-
dan yiqilgan talabadan so‘ra.
Bir kunning qadrini bilmoqchi bo‘lsang – hosili kuz 
yomg‘irida qolgan dehqondan so‘ra.
Bir soatning qadrini bilmoqchi bo‘lsang – uyiga bir 
soat kech kelgan tarbiyali farzanddan so‘ra.
5 daqiqaning miqdorini bilmoqchi bo‘lsang – poyezd-
ga kech qolgan yo‘lovchidan so‘ra.
Bir daqiqaning qadrini bilmoqchi bo‘lsang – mehmon 
kutayotgan yolg‘izdan so‘ra.
Bir daqiqaning o‘ndan bir miqdorini bilmoqchi 
bo‘lsang – bemorning kasalxonaga olib kelayotgan hay-
dovchidan so‘ra.
Taym menejment – bu o‘z shaxsiy ish vaqtini boshqarish mahoratidir. 
Taym menejment – bu faqatgina zarur ishlar ro‘yxatini tuzish emas, balki 
vaqt va yuklamani to‘g‘ri taqsimlash hamdir.