Pedagogika 018, 1-son Bosh muharrir

PEDAGOGIKA 2018, 5-son
 
71 
 
nazariy asosga ega bo‘lishi kerak: birinchidan, kompyuterli texnologiya 
o‘qitishning omili emas, vositasi sifatida qabul qilinishi kerak, aks holda, 
o‘quvchilarda texnokratik (bir yoqlama) fikrlash tarkib topadi; ikkinchidan, 
o‘qitishning kompyuterli texnologiyasi predmetning muayyan bo‘limi yoki 
mavzusini tushuntirishda qo‘llanishi lozim; uchinchidan, kompyuterli 
texnologiya o‘quv-bilim faoliyatining tezkor samaradorligiga xizmat qilishi 
shart. 
Albatta, kompyuter o‘qitishning vositasi sifatida bir necha imkoniyatlarga 
ega. Bunday imkoniyatlarning asosiylari quyidagilardan iborat: birinchidan, 
kompyuter o‘quv-biluv bo‘yicha imkoniyatlarga ega bo‘lish ko‘lamini 
kengaytiradi; ikkinchidan, kompyuter boshlang‘ich sinf o‘quvchilarining ijtimoiy 
faollik ko‘nikmalarini shakllanish motivlarini kuchaytiradi; uchinchidan, 
kompyuter boshlang‘ich sinf o‘quvchilarining o‘qish va bilishga bo‘lgan 
qiziqishini oshiradi; to‘rtinchidan, o‘quv topshiriqlari ko‘lamini kengaytiradi va 
hokazo. Bularning barchasi kompyuterga asoslangan o‘qitish texnologiyalarini 
nazariy asoslarga tayangan holda boshlang‘ich ta’limga tatbiq etishni taqozo 
etadi.
Boshlang‘ich ta’limga kompyuterli texnologiyani tatbiq etish yondashuvi 
uch ko‘rinishga ega bo‘lishi mumkin: 
−
tanqidiy-kompyuterli o‘qitish texnologiyasi boshlang‘ich ta’limda 
kutilgan samarani bermaydi;
−
sinov-bu texnologiyani amalda qo‘llab, xulosaga kelish kerak;
−
ishonchli-mazkur texnologiya boshlang‘ich ta’lim va tarbiyada tezkor 
natijaga erishishni ta’minlaydi. Bizning yondashuvimizga ko‘ra, so‘nggi uchinchi 
ko‘rinish boshlang‘ich ta’limga kompyuterli texnologiyani tatbiq etishning 
nazariy masalalarini va metodologik asoslarini ishlab chiqish imkonini beradi.
Bu o‘rinda biz “O‘quvchilarda ijtimoiy faollik ko‘nikmalarini 
shakllantirishda kompyuterli texnologiyadan foydalanishni misol tariqasida 
korib chiqamiz.

---