O’quv darslik

Ko‘rsatmalar:
surunkali gastroduodenit, pankreatit, gepatoxoletsistit va 
boshqa ovqatni hazm bo‘lishi susaygan holatlarda.
Noxush ta’siri:
allergiya.
FESTAL 
(Festal)
– tarkibida me’da osti bezi fermetlari va safro tarkibiga 
kiruvchi moddalar bor: (lipaza va amilaza , proteaza, gemitsellyuloza, safro 
komponentlari). Ichakning ishqoriy sharoitida oqsillar va uglevodlarni 
parchalab, so‘rilishini ta’minlaydi.
Ko‘rsatmalar:
me’da osti bezining tashqi sekretsiyasi etishmovchiligi, 
surunkali pankreatit, gastroenterit, qarilarda ovqat hazm bo‘lishini susayishi, 
infeksiyalardan keyingi kolitlar, spru, operatsiya va antibiotik(sulfanilamid)larni 
qo‘llagandan keyin rivojlanuvchi ovqatni hazm bo‘lishini buzilishlarida.
Noxush ta’sir
i yo‘q, lekin preparatning tarkibiy qismlariga allergiya 
bo‘lsa qo‘llash mumkin emas.
ORAZA
(Orazum) – granulalari ovqatlanishdan oldin yoki u bilan 
birgalikda ichiladi. Me’da kislotasiga chidamli bo‘lgan proteolitik va amilalitik 
fermentlar kompleksidan iborat (amilaza, maltaza, proteaza, lipaza). Aspergiltus 
oryzae-zamburug‘ining 
kulturasidan olinadi. Me’dada parchalanmaydi, 
ichakning ishqoriy muhitida eriydi. Ichakda ovqat hazm bo‘lishini yaxshilaydi. 
Ichak mushaklari tonusini pasaytiradi, spazmolitik xossaga ega. Davolanish 
boshlangandan 4-5 kun keyin dispepsiya, og‘riq va ich ketishlar bartaraf bo‘ladi.
Ko‘rsatmalar:
festalniki kabi. 
Noxush ta’sirlari:
deariya bo‘lgan bemorlarda ba’zan ich ketishi 
kuchayishi mumkin. Davolash 2-4 xafta davom etadi.

---

- 511 -
PANZINORM FORTE
(Panzyronum forte) – tarkibi me’da shilliq 
qavatining ekstrakti, qoramol safrosining quruq ekstrakti, pankreatin va
aminokislotalarning xlorid kislota tuzlaridan iborat. 1 ta tabletkaning ferment 
faolligi quyidagicha: lipaza-6000 ME, Tripsin-450 ME, ximotripsin-1500 ME, 
amilaza-7500 ME. Panzinorm forte kuchli faollilikga ega, turg‘un poliferment 
preparati bo‘lib, ovqat hazm bo‘lish jarayonini me’da va ichakda kuchaytiradi. 
Ta’sir kuchi ayniqsa kuchsiz nordon sharoitda yuzaga chiqadi. Ya’ni preparat 
ham me’da, ham ichakda ferment etishmasligi tufayli rivojlanadigan ovqat hazm 
bo‘lish jarayonini buzilishlarini bartaraf etadi. Preparat safro, me’da, me’da osti 
bezi va ichak fermentlarini kuchaytiruvchi moddalar saqlaydi. Tabletkalar 
shunday tayorlanganki, undagi fermentlar asta-sekin, o‘zlarining optimal 
fiziologik ta’sirlarini rivojlanish darkor bo‘lgan joylarda ajraladi. Jumladan, 
preparat tarkibidagi safro ekstraktida o‘t kislotalari bo‘lib, yog‘larni hazm 
bo‘lishini kuchaytiradi, me’da osti bezidan lipazani va proteazani ajralishini 
oshiradi. Bu esa 12-barmoqli ichakda ovqat hazm bo‘lishi jarayonini 
kuchaytiradi. Preparat tarkibidagi me’da shilliq qavatining ekstrakti tarkibida 
yuqori proteolitik faollikga ega bo‘lgan pepsin va katepsin hamda peptidlar va
aminokislotalar bo‘lib, ular gastrinni ajralishini hamda me’da bezlarini 
stimullab, Hcl kislotasining ajralishini kuchaytiradi. Preparat tarkibida barcha 
essensial aminokislotalar bo‘lib, ular me’da, me’da osti bezi va ingichka ichak 
shiralarini ajralishini, hamda preparatdagi pepsinni turg‘unligini oshiradi. 
Preparatning birinchi qavati me’da shirasi ta’sirida erib, undan pepsin, katepsin 
va aminokislotalar ajraladi, ichakda esa preparatning qolgan ichki qismi eriydi 
va pankreatin hamda qoramol safrosi esktrakti ajraladi. Ya’ni preparatning 
tarkibiy qismlari kerakli joyda o‘z ta’sirini namoyon etadi. Yaxshi tarafi 
shundaki panzinormning tarkibidagi moddalar nafaqat etishmagan fermentlar 
o‘rnini bosadilar, balki ularni ajralishini ham kuchaytiradilar.

---

- 512 -