A. A. Azlarova, M. M. Abduraxmanova bank marketingi va menejmenti

1.2. Banklar va bank faoliyatida menejmentning zarurligi 
 
Menejment - inglizcha so‘z bo‘lib, ingliz tilining Oksford lug‘atida berilgan 
ta’rifga binoan u: 
-“boshqaruv hokimiyati va san’ati”;
-“resurslarni boshqarish bo‘yicha alohida mohirlik va ma’muriy 
ko‘nikmalar” ma’nosini ifodalaydi. 

---

15 
XX asrning 60-yillarida menejment amerikacha boshqaruv deb tushunilgan, 
keyinchalik, “ilmiy boshqaruv” deb yuritila boshlangan. AQShda hozirgi zamon 
boshqaruvi asr boshida vujudga kelgan deb hisoblanadi va Teylor nomi bilan 
bog‘lanadi. Teylor “boshqaruv - aniq qonun va qoidalarga tayanadigan haqiqiy 
ilm” deb ta’riflagan. Boshqaruv ilmining amerikalik namoyondalari hozirgi davrni 
“Ilmiy menejment” davri deb ta’riflaydilar. 
Boshqacha so‘z bilan aytganda, menejment - bu boshqaruv, ya’ni 
resurslarni, odamlarni boshqarish, samarali faoliyat olib borish va foyda olishni 
bilish, uni ko‘paytirish jarayonidir. Barcha ijtimoiy muammolarni, iqtisodni 
rivojlantirish yo‘lidagi hamma qiyinchiliklarni agar ularga ishbilarmonlik ruhida 
yondashilsa, “yaratuvchilik menejmenti” orqali oson hal etish mumkin. 
Shu nuqtai nazardan, boshqaruv-bu o‘ziga xos yuksak san’at va mahoratni 
talab qiluvchi tanlov, shu tanlov asosida qaror qabul qilish va uning bajarilishini 
nazorat qilishdir. 
Bugungi kunda menejment va boshqaruv to‘g‘risida quyidagi umumqabul 
qilingan fikrlar mavjud
1
: 
Boshqaruv 
- yuksak san’at va mahoratni talab qiluvchi tanlov; 
- mustaqil fan; 
- faoliyat turi, funksiya; 
- jarayon; 
- tashkilotlarni boshqaruvchi kishilar; 
- boshqaruv apparati yoki organi 
Menejment 
Har qanday faoliyatning ijobiy natija berishi, eng avvalo tanlovni to‘g‘ri 
bajara olishga, ma’qul va ishonchli qarorni qabul qila olishga hamda bu qarorning 
bajarilishini nazorat qila olishga bog‘liq. Masalan, yuqori foyda olish quyidagi 
uchta jihat bo‘yicha to‘g‘ri tanlovni va ishchan qaror qabul qilishni talab qiladi (1-
chizma). 
xarajat 
Naf 
Baho