Toshkent davlat agrar universiteti termiz filiali meva-sabzavotchilik, uzumchilik

Oziqlantirish.
Ekinlar, odatda, ikki yoki uch marta, ya’ni maysalar unib 
chiqqandan keyin, hosil to‘plash oldidan va yoppasiga hosil to‘plash davrida 
oziqlantiriladi. O‘g‘itlar ildizlarining asosiy qismi joylashgan zonaga solinishi kerak. 
Shuning uchun birinchi oziqlantirishda o‘g‘itlar ekin qatorlarining biqiniga 6-8 
sm 
chuqurlikda, ikkinchi va uchinchi oziqlantirishda esa qator oralarining o‘rtasiga 
1015 
sm
chuqurlikda solinadi. O‘g‘itlar, odatda, ekin sug‘orilgandan keyie er etilishi 
hamonoq, solinishi kerak. 
Sabzavotchilikda 
gibberellin
TTS, DTS, NRV va boshqa o‘stiruvchi moddalarni 
qo‘llash sabzavot ekinlari hosildorligini oshiradi. 
Gibberellin Gibberella fujikuroi
nomali zamburug‘ning modda almash-inish 
mahsuloti bo‘lib, bu modda zavodda tayyorlanadi va o‘simlikning yosh o‘suvchi 
organlariga purkaladi. Toshkent davlat agrar universitetining sabzavotchilik 
kafedrasining tajribalariga qaraganda gibberellinning past kontsentratsiyasi (1 
l
suvga 20-50 
mg
hisobida) yangi kovlab olingan kartoshka tuganaklarining 
ko‘karishini tezlashtiriadi, karam boshlarining yaxshi o‘ralishini va hosildorligini 
oshiradi. Sabzavot urug‘larni va o‘simliklarni neftdan tayyorlangan o‘stiruvchi 
moddalar (NRV) ning kuchsiz (0,005%) eritmasi bilan dorilash hosildorlikni 
oshiradi. 
Qora sovuqqa qarshi kurashish. O‘rta Osiyoda kech bahorda va erta kuzda 
bo‘ladigan qora sovuqlar sabzavotchilikka jiddiy zarar etkazadi. Qora sovuqlarning 
asosiy sababi shimoliy kengliklardan sovuq havo oqimining bostirib kelishidadir. 
Buning natijasida havo bir necha kun sovib turadi. Bunday sovuqlar bahorda mart- 
aprelda va hatto may oylarida, kuzda esa oktabr-noyabr oylarida bo‘ladi. 
Kuzgi qora sovuqlarga qarshi kurashishning eng oddiy va qulay usuli bevosita 
sovuq tushishidan oldin ekinni bostirib sug‘orishdan iboratdir. Sug‘orish natijasida 
o‘simliklarni o‘rab olgan havo suv yuug‘i bilan to‘yinadi. Sovuq vaqtida harorat 
pasayganida suv bug‘lari kondensatsiyalanadi, ya’ni suvga aylanadi, bunda shudring 
tushadi va bug‘ hosil bo‘lgandagi yashirin issiqlik ajralib chiqadi. 
Qora sovuqlarga qarshi kurashishning sinalgan usullaridan biri tutun 
chiqaradigan shashkalarni yoki unchalik ahamiyati bo‘lmagan organik yonilg‘ilar - 
poxol, begona sht, daraxt shoxlari, ang‘iz qoldiqlari, supirindilar va hokazolarni 
yoqib tutatishdan iboratdir.