Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Ҳеч ким олим бўлиб туғилмас
зиз болажон, сен илмни аста-секин ўзлаш тириб, олим-
лик даражасига етасан. Бу йўлда сендан фақат сабр-
қаноат талаб этилади. Ҳеч бир инсон онасидан олим бўлиб 
туғилмайди. Ўтмишда яшаган машҳур олимлар ҳам ёшликлари-
дан илм ва одоб ўрганиб, комил инсон даражасига эришганлар. 
Шундай экан, “илм олиш жуда қийин-ку”, деб дангасалик қилма, 
бир кунда нимадир ўргана борсанг, натижада етук илм эгаси 
мақомига кўтариласан. Зеро, халқимизда “тома-тома кўл бўлур”, 
деган нақл бор. Ҳазрат Алишер Навоий бобомиз эса: “Оз-оз 
ўрганиб доно бўлур, қатра-қатра йиғилиб, дарё бўлур”, деган.
Доим олға қадам ташланг!
аълумки, ўсиб-улғайиб борган сари одам танаси ҳам 
ўзгариб боради. Шунга мувофиқ унинг онги, фик-
рлаш доираси, дунёқараши ҳам ўзгариб, бойиб бориши ке-
рак. Агар фақат моддий нарсаларга эътибор берилса-ю, маъ-
навиятга етарлича аҳамият берилмаса, руҳий ҳолат издан 
чиқади. Шу сабаб одам ҳар куни ниманидир ўқиб-ўрганиши 
ва билимини тинимсиз ошириб бориши керак. Кеча бил-
маган нарсамизни бугун ўрганишимиз, билганларимизни 
янада мустаҳкамлаб, фикр доирамиз ва дунёқарашимизни 

---

– 135 –
кенгайтириб боришимиз лозим. Илм-маърифат йўлида 
сусткашликка йўл қўйиб бўлмайди. Зеро, ўтаётган ҳар бир 
кунимиз ҳисобли, ҳар куннинг ўз ўрни бор. Ундан унумли 
фойдаланиш ҳар бир боланинг ўз ихтиёрида.
Олган билимларимиз таъсирида дунёқарашимиз шаклла-
ниб, кенгайиб боради. Ҳаёт ҳақида қанча кўп билсак, умр маз-
мунини, унинг туб моҳиятини ва яшаш тарзини чуқурроқ анг-
лай бошлаймиз.
Шундай экан, ҳурматли фарзандларим, доимо билим олиш, 
энг гўзал одоблар билан зийнатланиш ҳаракатида бўлинг. Зеро, 
илм ва одоб билан жуда юксак чўққиларни забт этиш мумкин.
Болалар луғати