O„zbekiston respublikasi oliy va o„rta maxsus ta‟lim vazirligi, andijon davlat tibbiot instituti

 
Neyrotoksikozda talvasa sindromini bartaraf qilish 
1. Talvasa sindromi kuzatilganda, tezda vena ichi yoki mushak orasiga aminazin 
yoki relanium yuboriladi. Ba‘zan mushak orasiga litik aralashma (2,5% li aminazin -
1,0 ml 2,5% li pipolfen eritmasidan 1,0 ml va 2 ml 0,25 % novakain eritmasi) 
qilinadi. 
2. 25% magniy sulfat eritmasi 1 kg vaznga 0,2 ml dan mushak orasiga yuboriladi. 
3. Yuqoridagilar natija bermasa, 20% li glyukoza eritmasi bilan 1 kg vaznga 50-
100 mg GOMK eritmasi vena ichiga sekin yuboriladi. 

---

319 
4. Ko‗rsatmaga muvofiq, 10% li kalsiy glyukonat yoki kalsiy xlor eritmasi 
yoshiga monand 1 ml dan vena ichiga sekin yuboriladi. 
5. Degidratatsion terapiya: 
a) 1 kg vaznga 15-20% li mannitol 1-1,5 g quruq modda hisobida, laziks 1-3 
mg/kg mushak orasiga kuniga 2-3 mahal, keyinchalik diakarbga (0,125-0,25) o‗tiladi. 
b) 20% li glyukoza eritmasi insulin va vitaminlar bilan birga buyuriladi.
c) yuqori konsentratsiyali 30-50 ml plazma vena ichiga yuboriladi.
6. Lozim topilsa, orqa miya punksiyasi qilinadi.
7. MNS tomonidan chuqur o‗zgarishlar kuzatilsa, prednizalon 2,0-5,0 mg/kg 
parenteral yuboriladi. 
 
Gipertermik sindromini bartaraf qilish 
1. Bemorni havosi almashinib turadigan, salqin havoli xonaga yotqiziladi, 
suyuqlik ichirib turish kerak. 
2. Tana xarorati 38°C dan yuqori bo‗lsa, paratsetamol, aspirin, sitramon 
bemorning yoshi va og‗irligiga qarab buyuriladi. Agar tana xarorati yuqoriligicha qolsa, 
50 yoki 25 % li analgin eritmasi antigistamin preparatlari (dimedrol, pipolfen, 
suprastin) bilan yoshiga qarab belgilanadi. 
1. Fizik usullar: 
A)
teri rangi qizarishi bilan keladigan gipertermiyada bemor boshi, 
bo‗yni, qo‗ltiq osti va chov sohalarida muz xaltachalari qo‗yiladi yoki 
parrak bilan havo uzatiladi. 
B)
teri rangi oqimtirligi va qaltirash bilan kechadigan gipertermiyada bemor 
badani 50% li spirt yoki uksusli eritma bilan ishkalanadi, ichishga papaverin, nosh-
pa, eufillin buyuriladi, mushak orasiga no-shpa, dibazol eritmalari yuboriladi. 
2. Mushak orasiga 25% li magniy sulfat eritmasi, 1 kg og‗irlikda 0,2 ml dan 
yuboriladi. 
3. Siydik haydovchi preparatlar furosemid (laziks), gipotiaziad va boshqalar 
buyuriladi. 

---

320 
4. Gipertermiya natijasida suyuqlik yo‗qotgani uchun 20% li glyukoza 
insulin bilan vena ichiga yuboriladi, og‗iz orqali regidron, smekta, qand-tuzli 
eritmalar buyuriladi.