Microsoft Word uylanish odobi ziyouz com doc

«
Очлик билан жаннат эшикларини тақиллатишда давом этингиз!»
Ким ҳар кун битта нон билан кифояланса, бошқа хоҳишларига ҳам қаноаткор бўлади ва 
одамлардан ҳеч нарса сўрамайди. Аллоҳ таолога янада ихлослирок ҳолда ибодат қилиш учун 
кўнгли пок бўлади. Охирати учун фойда қилган ва ҳеч нарса Аллоҳ таолонинг зикридан 
қолдира олмайдиган зотлардан бўлади. Қаноат соҳиби бўлган киши инсонларга муҳтож 
бўлмаслиги сабабли ҳалокатга ҳам тушмайди. Инсонларга муҳтож бўлиш - шубҳасиз зикрдан 
жудо бўлишдир. 
 
Ўнинчи фойда: 
Етим ва йўқсилларни, кўнгли ярим, маъюс мискинларни ўз нафси хоҳишидан афзал кўриб 
тўйдириш ва садақа бериш билан Аллоҳ таоло ризосини қозониб, қиёмат кунида садақасининг 
соясида тургувчи кишилардан бўлади. Дунё молидан қўлга келадиган фойда, фақат Аллоҳ таоло 
ризоси учун берган закоти ва садақалари сабабли қозонган савобларидир. Ўз егулигини 
фақирларга икром этиб, савоб қозониш хайрлироқдир. Расулуллоҳимиз (с.а.в.) семиз, қориндор 
бир кимсага қарадилар ва муборак бармоқлари билан унинг қорнига ишорат этиб шундай 
дедилар: «Агар бу (қорин) бошқа бир ҳолатда бўлса, сен учун хайрлироқ бўлар эди». 
Яъни, кошки ўзинг бунчалик емасдан охиратинг учун озуқа тўпласанг, янада яхшироқ бўлур 
эди, демакдир. Салафи солиҳийндан бир зот шундай деганлар: «Мен бир кавмга дуч келдим. 
Улар орасида егулиги фақатгина ўзига етарли фақир бир киши ҳам бор эди. Оқшом бўлиши 
билан у зот егулигининг бир қисмини ажратди ва шундай деди: «Аллоҳ таолога қасамки, мен 
бунинг бир қисмини Аллоҳ таоло ризоси учун садақа қилмагунимча, қолганини ўзим емайман». 
Очлик - охират сармояси учун буюк бир хазинадир. Шунинг учун салафи солиҳийн шундай 
деганлар: «Очлик - охиратнинг калити, зуҳднинг эшигидир. Тўқлик - дунёнинг калити, 
рағбатнинг эшигидир!» 
 
 
МЕЪДА ШАҲВАТИНИ ТИЙИШДА РИЁЗАТ ЙЎЛИ 

---

Уйланиш одоби. Имом Ғаззолий