Microsoft Word togaymurod otamdan qolgan dalalar lotin ziyouz com doc

 
7

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
78
Ayolimiz daladan kelishi bilan havolanib-havolanib peshvoz bordim. 
— Qanday? — dedim. 
Ayolimiz shlyapamni aylanib qaradi. Ayolimiz shlyapamni xushvaqtlanib qaradi. 
— Binoyiday. Qulluq bo‘lsin, — dedi. 
— Jigit-da, jigit! — dedim. Ayolimizga qarab turdim-turdim: 
— Ellik so‘m... ollohu akbar! — dedim. Ayolimiz bo‘zraiib-bo‘zrayib qoldi. Ayolimiz yomon-
yomon qarab qoldi. 
Bildim — ellik so‘m o‘n pulni yo yo‘lda yo‘qotib keldi, yo havoyidan-havoyi sarflab keldi, deya 
o‘yladi. 
— Endi, unni qaytaman? — dedi. — Endi, tandirga yelkamni yopamanmi?.. 
Ayolimiz ovozi qalt-qalt etdi. Ayolimiz lablari pir-pir etdi. Ayolimiz... yig‘lamoqdan beri bo‘ldi. 
Men kechmishimni oqizmay-tomizmay bayon etib berdim. 
Ayolimiz shlyapamga tikilib xayollandi. 
— Mudir ayol edimi? - dedi. 
— Ayol edi-da, ayol! 
Ayolimiz yuziga rang oraladi, Ayolimiz rangiga kulgich oraladi. 
— O‘xshatibdi! O‘xshatsa-da, ulay-bulay o‘xshatmabdi! — dedi. — O‘xshatsa-da, 
ko‘nglimdagiday o‘xshatibdi! 
 
8 
G‘o‘zalarim qirq kunlik bo‘ldi. 
G‘o‘zalarim qirqida suvsadi. 
G‘o‘zalarim suvsaganini qanday bildim? 
Bir qarich yer ostidan bir siqim tuproq oldim. Tuproqni mahkam-mahkam siqimladim. 
Tuproq bir-biri bilan qovushmadi. Tuproq chochilib-chochilib turdi. 
Demak— g‘o‘zalarim suvsadi. 
Chirtillatib bir barg uzib oldim. Bargni qo‘sh-qo‘llab bir bukladim. 
Barg qoq o‘rtasidan o‘tmish yo‘g‘on tomir qirs etib sinmadi. 
Demak—g‘o‘zalarim suvsadi. 
Men g‘o‘zalarimni suvladim. 
9 
Dalalarimda assalomalaykum bilan chirmoviq toshdi. 
Men yigirma kilo pentaxlor-fenol bilan besh yuz kilo suv aralashtirdim. 
Bir gektar dalamga yigirma kilolab sepdim. 
Bo‘lmadi — assalomalaykum bilan chirmoviqqa bas kelmadi. 
Bir daxlorpropinat degich dori bor. Men uni dalapon dori deyman. 
Sakkiz kilo ana shu dalapon dori bilan besh yuz kilo suv aralashtirdim. 
Dalalarimni uch bora dalapon doriladim. 
Assalomalaykum bilan chirmoviqni uyi kuydi! 
10
O‘ynab qo‘yay, yangi texnikalaridan o‘ynab qo‘yay! 
Kim qancha yildirkim, xo‘jaligimizda KXU-4 degich yangi texnika bor otangga bo‘ladi, bor 
onangta bo‘ladi. 

---

Tog‘ay Murod. Otamdan qolgan dalalar (roman)