Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
80
urayin dedim — dala qolib ketar bo‘ldi, dala borayin dedim — loy qotib qolar bo‘ldi. 
O‘yladim-o‘yladim — tag‘in ariq yoqalab suv boshi bordim. 
Bu safar quloqchi bo‘ldi. 
Unday dedim, bunday dedim — quloqchi ko‘nmadi. 
— Yo‘q, berolmayman, suv paxtaga borayapti, — dedi. 
Yopishib oldim, kuyinib oldim. 
— Molxonamizni yarmi yo‘q! — dedim. 
— Yo‘q bo‘lsa nima qilayin? Mol zarilmi, paxta zarilmi? 
— Paxta zaril! 
— Otangizga balli, paxtani oldida mol nima degan gap! 
Nima deyishimni bilmadim. Kelgich izimdan qaytib kelaberdim. 
Uydan katta bidon olib keldim. 
Bidon bilan yelkamda suv tashidim. Besh-olti marta qatnadim. 
Loy suvladim. Loy yuzi kilkillab-kilkillab qoldi. 
Mototsiklimni minib dala yo‘l oldim. 
Kun bo‘yi loydan alag‘da bo‘ldim. 
Kun botishi bilan ayolimizga javob berdim. 
— Bor-da, loyga suv sepib tur, qotib qolmasin, — dedim. 
Oqshom tunar-oqshom tunarda uyimizlab keldim. Tut ayrisida chiroq yonib-yonib turdi. Lozimini 
tizzalab-tizzalab turib-turib olmish ayolimiz... loy tepdi. 
Ayolimiz sochlari loy tegmasin uchun soch turmaklab-soch turmaklab loy tepdi. Ayolimiz ro‘moli 
bilan bel boylab-bel boilab loy tepdi. Ayolimiz ko‘ylak etaklari loy botmasin uchun qo‘shqo‘llab etak 
ko‘tarib-qo‘shqo‘llab etak ko‘tarib loy tepdi. 
Ayolimiz harsilladi! 
Ayolimiz loydan illa-illa oyoq ko‘tarib oldi. 
— Bekor loy kiribsan-da, —dedim. —Men senga suv sepib tur, deb edim-ku? 
— Suv sepdim, qotib qopti. 
— Bolalarni loy solsang bo‘lardi. 
— Bolalar zarra boshidan qorason bo‘lsinmi endi. 
Bolalar mayda-mayda satillarda suv tashidi. 
— Bo‘ldi, loydan chiq, — dedim. — Bor, mol-holingga qara, qozon-tobog‘ingga qara. 
Ayolimiz loydan chiqaman dedi — chiqolmadi, chiqaman dedi — chiqolmadi. Oyog‘ini loydan 
tortib ololmadi! 
Men ayolimizni qo‘ltiqlaridan olib, loydan chiqarib qo‘ydim. 
Bolalar hiring-hiring kuldi. 
Men ketmon bilan qo‘zg‘ab-qo‘zg‘ab loy tepdim. Men suvlab-suvlab loy tepdim. 
Loy pishidi. Loy tobga keldi. 
Men og‘ilxona devorini minib ayolimizni chaqirdim. 
Ayolimiz qozonini onamizga qoldirib keldi. 
Loy urish oson, loy olib berish qiyin. 
Ammo ayol zoti devor urolmaydi-da. 
Shu bois — ayolimiz loy olib berdi, men devor urdim. 
Ayolimiz beldasta suyana dam olib-beldasta suyana dam olib loy olib berdi. 
Ayolimiz loy sob bo‘lgunichayin loy olib berdi.