Бошқа тармоқларда бухгалтерия ҳисобининг хусусиятлари

Дебет 
2920 «Чакана савдодаги товарлар»
Кредит
9150 “Даврий ҳисоб усулида ТМБ бўйича тузатишлар”.
Агар охирги қолдиқ суммаси бош қолдиқ суммасидан кичик бўлса, у ҳолда 
фарқ суммасига қуйидагича ёзув қилинади: 
Дебет 
9150 “Даврий ҳисоб усулида ТМБ бўйича тузатишлар”. 
Кредит
2920 «Чакана савдодаги товарлар»
Ҳисобот даври охирида 9140 “Даврий ҳисоб усулида ТМБ ни сотиб олиш” 
счётининг дебетида тўпланган, шунингдек 9150 “Даврий ҳисоб усулида ТМБ 
бўйича тузатишлар” счётининг дебети ёки кредитида тўпланган сумма тўлиғича 
9910 «Якуний молиявий натижа» счётига ўтказилади. Бунда 
Дебет
9910 
«Якуний молиявий натижа» 
Кредит
9140 “Даврий ҳисоб усулида ТМБ ни сотиб 
олиш” ва 9150 “Даврий ҳисоб усулида ТМБ бўйича тузатишлар” ёзувлари 
суммаларининг йиғиндиси жами сотиш таннархига киритилган харажатлар 
яъни сотилган товарлар таннархи суммасини ифодалайди. Агар товарларнинг 
ой охиридаги қолдиғи ой бошидаги қолдиғидан катта бўлса, бу ҳолда сотилган 
товарлар таннархи Дебет 9910 «Якуний молиявий натижа» Кредит 9140 
“Даврий ҳисоб усулида ТМБ ни сотиб олиш” ёзуви суммасидан Дебет 9150 
“Даврий ҳисоб усулида ТМБ бўйича тузатишлар” Кредит 9910 «Якуний 
молиявий натижа» ёзувининг суммасини айириш орқали топилади. 
Давр харажатларининг ҳисоби. 
Савдо корхоналарида давр харажатларига 
товарларни сотишга, маъмурий-бошқарувига ва бошқа операцион фаолиятига 
доир харажатлар киради. 
21-сон БҲМС га мувофиқ савдо корхоналарининг давр харажатларининг 
ҳисоби бошқа корхоналар сингари қуйидаги счётларда олиб борилади: 
9410 “Сотиш харажатлари”-
ушбу счётнинг дебетида йил мобайнида 
сотишга доир харажатлар (реклама харажатлари, сотиш билан боғлиқ 
ходимларнинг иш ҳақи, ижтимоий суғуртага ажратмалар, амортизация 
харажатлари, ташиш ва бошқа шу каби сотиш билан боғлиқ харажатлар) акс 
эттирилади. Харажатларнинг аниқ турлари ушбу счётнинг дебетида ва бу 
харажатларни ифодаловчи счётларнинг кредитида (5110, 5010, 6710, 6520, 6990 
ва бошқа счётлар) акс эттирилади.