Nashrga ruxsat etaman

О„zbekistonning Tojikiston bilan hamkorligi. 
О‗zbekiston va Tojikiston hamkorligini sifat jihatidan yangi bosqichga kо‗tarish, 
uni amaliy mazmun bilan boyitishda О‗zbekiston Prezidenti Shavkat 
Mirziyoyevning 2018 yil 9-10-mart kunlari Tojikistonga qilgan ilk davlat tashrifi 
alohida ahamiyat kasb etdi. 
Dushanbe shahridagi «Qasri Millat» qarorgohida Shavkat Mirziyoyev va 
Imomali Rahmon о‗rtasida muzokara о‗tkazildi. Muzokaralarda siyosiy, savdo-
iqtisodiy, investitsiyaviy, moliyaviy, transport-kommunikatsiya, suv-energetika, 
madaniy-gumanitar sohalarda va hududlararo hamkorlikni rivojlantirish, 
fuqarolarning о‗zaro qatnovi uchun qulayliklarni oshirish masalalari muhokama 
etildi. Ikki davlat о‗rtasida turizm muammolarini yengillashtirish bо‗yicha chora-
tadbirlar, ya‘ni, ikki tomonlama vizasiz rejimni joriy qilish va ikki davlat 
chegarasidagi 16 ta о‗tkazish punktlarini asta-sekin ochish masalalari ham 

---

muhokama qilindi. 
Ma‘lumki, 2017 yilning aprel oyida mamlakatlarimiz poytaxtlari о‗rtasidagi 
aviatashuvlar, temiryо‗l qatnovi qayta tiklandi. Samarqand-Panjikent oralig‗ida A-
377 xalqaro avtomobil yо‗li ochildi. О‗zbekiston-Tojikiston davlat chegarasida 
о‗tkazish punktlari о‗z ishini tikladi. 
Muzokaralar davomida ikki mamlakat hukumatlariga о‗zaro savdo hajmini 
oshirish va uning tarkibini diversifikatsiya qilish masalalarini о‗rganish topshirildi. 
Foydalanilmayotgan zaxiralarni ishga solish bо‗yicha takliflar о‗rtaga tashlandi, 
turli qо‗shma ishchi guruhlar tashkil etish tashabbusi ilgari surildi. Shuningdek, 
mintaqaviy va xalqaro tuzilmalar doirasidagi hamkorlik, xavfsizlik va barqarorlikni 
ta‘minlash, bugungi tahdid va xatarlarga qarshi samarali kurashish masalalari 
kо‗rib chiqildi. 
Ikki davlat rahbarining о‗zaro muzokaralaridan sо‗ng kengaytirilgan 
tarkibda rasmiy delegatsiyalar a‘zolari, ikki mamlakat vazirliklari va yirik 
kompaniyalari rahbarlari, chegaraoldi viloyatlari hokimlari ishtirokida muzokaralar 
bо‗lib о‗tdi. Uchrashuv yakunida savdo, iqtisodiyot, investitsiya, moliya, transport 
va tranzit, qishloq xо‗jaligi, suv-energetika, soliq, bojxona, turizm, fan-ta‘lim, 
sog‗liqni saqlash, madaniyat, xavfsizlik hamda jinoyatchilikka qarshi kurashish 
sohalaridagi hamkorlik, hududlararo aloqalarni rivojlantirishga doir 27 hujjat 
imzolandi. Xususan, tovar ayirboshlash hajmini 1 milliard dollarga yetkazishga 
kelishib olindi. 2018 yil 6-iyul kuni Shavkat Mirziyoyev Ostona shahrida Tojikiston 
Prezidenti Imomali Rahmon bilan uchrashdi. Uchrashuvda mamlakatlarimiz 
о‗rtasidagi hamkorlikni rivojlantirish masalalari muhokama qilindi. 
2018 yil 17-avgust kuni Tojikiston Respublikasi Prezidenti Imomali Rahmon 
davlat tashrifi bilan mamlakatimizga keldi. 
Kо‗ksaroyda Tojikiston Prezidentini rasmiy kutib olish marosimi bо‗ldi. 
Shundan sо‗ng davlat rahbarlarining tor doiradagi muzokaralari, О‗zbekiston va 
Tojikiston delegatsiyalarining keng tarkibdagi muzokalari bо‗lib о‗tdi. 
Muzokaralarda mamlakatlarimiz о‗rtasida о‗zaro tovar aylanmasi jadal 
sur‘atlarda о‗sib borayotganligi, xususan, 2018 yilning birinchi yarmida о‗zaro 
savdo hajmi 35 foiz ortganligi, qiymati 300 million dollardan ortiq shartnoma va 
kelishuvlar imzolanganligi qayd etildi. 
Kо‗ksaroyda bо‗lib о‗tgan oliy darajadagi muzokaralar yakunida 
Prezidentlar strategik sheriklik tо‗g‗risidagi shartnomani imzoladi. О‗zbekiston 
Respublikasi bilan Tojikiston Respublikasi о‗rtasidagi ushbu shartnomada uzoq 
muddatli va barqaror sheriklik munosabatlari о‗rnatish maqsadi, о‗zaro 
hamkorlikning strategik yо‗nalishlari belgilangan. Shavkat Mirziyoyev va Imomali 
Rahmon davlat rahbarlarining Qо‗shma bayonotini ham imzoladi. Shuningdek, 
sanoat, standartlash va sertifikatlash, chegaradan о‗tkazish, ta‘lim hujjatlarini tan 

---

olish, geodeziya va geologiya, qishloq xо‗jaligi, madaniyat va boshqa sohalardagi 
hamkorlikka doir 27 ta hujjat imzolandi. Jumladan, Surxondaryo viloyati bilan 
Xatlon viloyati, Samarqand viloyati bilan Sug‗d viloyati о‗rtasida savdo-iqtisodiy, 
ilmiy-texnikaviy va madaniy-gumanitar hamkorlik tо‗g‗risida bitimlar qabul 
qilindi. 
Mazkur tashrif doirasida poytaxtimizda о‗tkazilgan qо‗shma biznes-forumda 
qiymati 103 million dollarlik eksport shartnomalari imzolandi.