Loyiha matni 10604-(10604)

43-модда. Давлат санитария назоратини амалга ошириш бўйича
фаолиятга аралашишга йўл қўйилмаслиги
Давлат санитария назоратини амалга оширувчи органлар фаолиятига
аралашиш, давлат санитария назоратини амалга оширувчи мансабдор
шахсларга уларнинг қонуний фаолиятига тўсқинлик қилиш мақсадида
қандайдир шаклда бўлмасин таъсир кўрсатиш тақиқланади.
44-модда. Низоларни ҳал этиш
Аҳолининг санитария-эпидемиологик осойишталиги соҳасидаги низолар қонун
ҳужжатларида белгиланган тартибда ҳал этилади.
45-модда. Аҳолининг санитария-эпидемиологик
осойишталиги тўғрисидаги қонун ҳужжатларини
бузганлик учун жавобгарлик
Аҳолининг санитария-эпидемиологик осойишталиги тўғрисидаги қонун
ҳужжатларини бузганликда айбдор шахслар белгиланган тартибда жавобгар
бўлади.
 

---

project.gov.uz
20.12.2020
34
Ўзбекистон Республикаси
Президенти Ш.Мирзиёев
Ўзбекистон Республикасининг “Аҳолининг санитария-
эпидемиологик осойишталиги тўғрисида”ги Қонунига қўшимча
ва ўзгартиришлар киритиш тўғрисида”ги Қонун лойихаси
 КОНЦЕПЦИЯСИ
Ушбу қонун лойихаси Ўзбекистон Республикаси Президентининг
ПФ-5814 сон “Ўзбекистон Республикаси санитария-эпидемиология
хизмати тизимининг тубдан такомиллаштириш чора тадбирлари
тўғрисида”ги 2019 йил 9 сентябр кунидаги Фармонини бажарилишини
амалга ошириш мақсадида ишлаб чиқилган.
Ушбу Қонун лойихаси ғоясининг асоси -
аҳолини санитария-
эпидемиологик осойишталигига доир муносабатларни тартибга солиш.
Мазкур Қонун лойихасининг мақсади –
Ўзбекистон Республикаси
санитария-эпидемиология хизматини самарали бошқарув механизми ва
фаолиятини мувофиқлаштириш,
 
институционал потенциалини ошириш,
санитария норма, қоидаларига ва гигиеник нормативларга риоя
қилишнинг самарали мониторинги ва назорат қилишни ташкиллаштириш
юзасидан
амалдаги
 
Ўзбекистон Республикасининг “Аҳолининг
санитария-эпидемиологик осойишталиги тўғрисида”ги Қонунига
қўшимча ва ўзгартиришлар киритиш, ҳамда “санитария–эпидемиология
хизмати” ва “давлат санитария назорати” атамаларига тушунча беришдан
иборат.