Тупроқ физикаси

 
§5.4.2. Тупроқнинг максимал гигроскопик намлигини аниқлаш 
 
Бунинг 
учун 
лабораторияда 
Э.А.Митчерлих 
ва 
А.В.Николаев 
услубларидан фойдаланилади. Э.А.Митчерлих услубида тупроқ заррачаларини 
максимал сув буғлари билан тўйинтириш мақсадида махсус эксикаторларда 

---

134 
10% ли сульфат кислотаси эритмаси ѐрдамида 96-98% нисбий намлик вужудга 
келтирилади. Бу услуб лабораторияларда кенг тарқалганлиги билан бир вақтда 
бир қанча ноқулайликларга эга. Биринчидан, талаба ишни бажариш вақтида 
кислотали эритма билан алоқада бўлади. Йўл қўйилган ҳар қандай хато унинг 
учун хавф туғдириши мумкин. Иккинчидан, эксикаторда 10% ли сульфат 
кислота концентрацияси вужудга келтирилган нисбий намлик ва ҳарорат 
натижасида ўзгариб туради. Шунинг учун ҳам баъзан бу услубдан чекланган 
ҳолда фойдаланиб А.В.Николаев услубига мурожаат қилинади. 
А.В.Николаев услубида эксикатордаги 94-96 % нисбий намлик К
2
SO
4
тузининг тўйинтирилган эритмаси ѐрдамида ҳосил қилинади. Нисбий намлик 
атроф муҳитнинг иқлим ўзгаришлари таъсирида деярли ўзгармайди. Бу 
қулайлик мазкур услубни кенг қўлланилишига имкон беради. 
Иш тартиби
: максимал гигроскопик сувни аниқлаш учун тайѐрланган 
тупроқ намунасидан 5-10 г олинади. Тупроқ термостатда қуритилган оғзи 
ѐпиладиган стаканчага солинади (бунинг учун диаметри 5 см ва баландлиги 3 
см ли шиша стаканчалардан фойдаланилади). Стаканча тупроқ билан аналитик 
тарозида тортилади, сўнгра оғзи очиқ ҳолда махсус эксикаторда (Митчерлих ва 
Николаев услублари асосида тайѐрланган эксикаторларда) қўйилиб, оғзи 
дарҳол беркитилади. 3-4 кундан сўнг эксикатордан жуда эҳтиѐткорлик билан 
стаканчалар (беркитилган ҳолда ўлчашдан олдин тоза, оқ материал билан 
артилиши лозим) олиниб тортилади. Сўнгра оғзи очиқ ҳолда қайта эксикаторга 
жойлаштирилади. Ўлчаш 2-3 кундан кейин яна такрорланади. Стаканчаларда 
ўзгармас оғирлик ҳосил қилгунча ўлчаш давом эттирилади. Сув буғлари билан 
тўлиқ тўйинтирилган стаканчалар оғирлик ўзгармагандан сўнг термостатга 
қуритиш учун қўйилади. Бундан кейинги ишлар гигроскопик намлик аниқлаш 
каби олиб борилади, ѐзиш ва ҳисоблаш ишлари ҳам, шунингдек. 
Максимал гигроскопик кўрсаткич тупроқ гигроскопик намлигини ҳам ўз 
ичига олади. Максимал гигроскопик намлиги аниқланган тупроқ намунасидан 
гигроскопик намлиги аниқланган тупроқ намунасидан гигроскопик намликни 
аниқлашда фойдаланиш мумкин. Бунда гигроскопик таҳлил тамом бўлгандан 
кейин совитиш ва ўлчаш ишларида оғирлиги ўзгармай қолган тупроқ намунаси 
дарҳол махсус эксикаторларда (Николаев услубида К
2
SO
4
тузининг тўйинган 
эритмаси устида) жойлаштирилиб, юқорида баѐн этилган ишлар бажарилади.