O‘зbekiстон рeспublikaсi

Tuzuvchi B.Boltaboyev 
“Ma’naviyat asoslari” fani bo‘yicha amaliy mashg‘ulotlarni tashkil etish bo‘yicha
ko‘rsatmalar 
 
Oliy ta’lim tizimida ma’ruza (leksiya) mashg‘ulotlari bilan birga amaliy ( mashq , 
seminar va laboratoriya) mashg‘ulotlari ham o‘tiladi. Ular
ta’limiy, tarbiyaviy 
hamda
nazariyani amaliyot
bilan bog‘lash funksiyalarini bajaradi. 
“Ma’naviyat asoslari” fanini o‘qitishda amaliy mashg‘ulotlardan asosan seminar
mashg‘ulotlarini o‘tish maqsadga muvofiq. Bunda seminar mashg‘ulotlari quyidagi
vazifalarni echishga qaratilgan bo‘ladi: 
-
leksiyada bayon qilingan nazariy bililarni mustahkamlash; 
- fan bo‘yicha olingan bilimlarni kengaytirish va chuqurlashtirish; 
- talabalarning ilmiy-tadqiqot, bilish qobiliyatlarini o‘stirish ; 
- nazariy o‘qitish jarayonida egallangan bilimlarning amaliyotda tan olinishi. 
Seminar mashg‘ulotlari davomida o‘qituvchi va talaba o‘rtasida yaqin aloqa, ya’ni ular
o‘rtasida ikki tomonlama aloqa o‘rnatiladi: jonli suhbat olib boriladi, o‘zaro fikr
almashish va turlicha qarashlarni ifoda etish jarayoni fanning xususiy masalalarini
chuqur o‘rganish maqsadini amalga oshiradi. Bunda zamonaviy pedagogik
texnologiyaning interfaol usullari qo‘l keladi. Bu usullar yordamida o‘tkazilgan seminar
mashg‘ulotlaridan asosiy maqsad: 
- talabalarning faol ishlash va mustaqil fikrlash ; 
- o‘z-o‘zini baholash va boshqalarning fikrlarini hurmat qilish; 
-mustaqil ishlash hamda guruhda ishlash ko‘nikmalarini shakllantirishdan iborat.
Seminar mashg‘ulotlaridan ba’zilarini auditoriyadan tashqarida muzey, ko‘rgazma
zallari, gallereya va uy-muzeylarda o‘tkazish yaxshi natija beradi. Quyidagi mavzular
bo‘yicha seminar mashg‘ulotlarda savollar bilan birga mavzu mohiyatiga mos madaniy
maskanlar ham namunaviy tarzda tavsiya etiladi.