A. N. Samadov, O. S. Jumanov

1 0 . 2 .   T u x u m   x i l l a r i  
 
Tuxumlar  qaysi  parrandadan  olinishiga  qarab,  tovuq,  o„rdak,  g„oz 
va  kurka  tuxumlariga  bo„linadi.  Tovuq  tuxumi  -  eng  ko„p  tarqalgan  va 
asosiysi  hisoblanadi.  Mavsumda  bir  tovuqdan  o„rtacha  110-150  dona 
tuxum olinadi. Tovuq tuxumining o„rtacha og„irligi 30-70 g gacha bo„ladi.  
O„rdak  tuxumi  yirik  bo„lib,  og„irligi  75-100  g  bo„ladi.  O„rdakdan 
yiliga o„rtacha 100 dona tuxum olinadi. G„oz  tuxumlari juda katta bo„lib 
160-200 g ni tashkil etadi. G„ozlar yiliga atigi 18-20 dona tuxum qiladi.  
Kurka  tuxumlarining  og„irligi  esa  80-100  g  gacha  bo„lib, 
kurkalardan ko„pi bilan yiliga 50 dona tuxum olinadi, xolos.  
O„rdak va g„oz tuxumlari qariyb savdoga chiqarilmaydi. O„rdak va 
g„ozlar  suv  va  botqoqlikda  ovqatlanishlari  sababli  ularning  tuxumlarida 
zararli bakteriyalar rivojlanish xavfi bo„ladi. shu sababli ularni xomligicha 
yoki ilitib iste‟mol qilish tavsiya etilmaydi. O„rdak va g„oz tuxumlari faqat 
umumiy  ovqatlanish  korxonalariga  chiqariladi  va  boshqa  taomlarga 

---

167 
 
qo„shib  iste‟mol  qilinadi.  Agar  savdoga  chiqarilsa,  alohida  «o„rdak 
tuxumi» deb yozib qo„yilishi kerak.