Лойиҳа матни 48576-(51956)

48-modda. Lavozimdan chetlashtirish
Korrupsiyaga oid huquqbuzarliklarni sodir etgan davlat xizmatchilari vaqtincha uning
javobgarlik masalasi sud tomonidan hal etilgunga qadar oylik ish haqi saqlanmagan holda lavozimdan
chetlashtirilishi mumkin. Bunday holatlarda davlat xizmatchisining lavozimdan chetlashtirish sudning
qarori yoki davlat tashkiloti rahbarining tegishli buyrug‘i bilan amalga oshiriladi.
Davlat xizmatchisi sudning yoki ish beruvchining aybi bilan g‘ayriqonuniy ravishda lavozimdan
chetlashtirilganda xodimga yetkazilgan zararni ushbu Kodeksda nazarda tutilgan tartibda to‘lash
majburiyati qaror qabul qilgan sudga yoki ish beruvchiga yuklatiladi.
Davlat maxsus xizmatiga kiruvchi davlat xizmatchilarning lavozimdan chetlashtirish yoki
vakoltini to'xtatib turish qonunchilik hujjatlarida belgilangan tartibda amalga oshiriladi.
Mazkur modda belgilangan talablar davlat siyosiy xizmatchilarga tadbiq etilmaydi.
49-modda.
Ushbu Kodeks talablarini buzganlik uchun
javobgarlikka tortish tartibi
Davlat xizmatchisi tomonidan mazkur Kodeks talablarini buzish qonunchilik hujjatlarida
belgilangan tartibda xizmat tekshiruvini tayinlash va intizomiy javobgarlikka tortish uchun asos bo‘ladi.
Xizmat tekshiruvi Qonunchilik hujjatlariga muvofiq davlat tashkilotining ichki idoraviy
hujjatlari bilan belgilangan tartibda amalga oshiriladi.
Mazkur Kodeks talablari buzganlik uchun intizomiy jazo chorasi ko‘rilishidan oldin davlat
xizmatchisidan yozma tushuntirish talab qilinishi kerak. Davlat xizmatchilarining tushuntirish berishdan
bosh tortishi ilgari sodir etilgan qoidabuzarlik uchun jazo choralarini qo‘lashga to‘siq bo‘lib xizmat qila
olmaydi.
Davlat tashkilotlarining odob-axloq komissiyasi mazkur Kodeks talablari buzilishi holatlari
ko‘rib chiqilishi natijasi bo‘yicha intizomiy yoki boshqacha tarzdagi qoida buzilishlarining mavjudligi
yoki mavjud emasligi to‘g‘risida xulosa qabul qiladi hamda davlat tashkiloti rahbariga (rahbar bo'lmagan
taqdirda uning vazifasini bajaruvchi shaxsga) ko‘rib chiqish uchun odob-axloq talablarini buzgan davlat
xizmatchisini javobgarlikka tortish to‘g‘risida taklif kiritadi.
Mazkur Kodeksning 50-moddasida keltirib o‘tilgan yengillashtiruvchi holatlarni hisobga olgan
holda, davlat tashkilotlarining odob-axloq komissiyalari davlat xizmatchisiga nisbatan odob-axloq
qoidalarining buzilishiga yo‘l qo‘ymaslik to‘g‘risidagi ogohlantirish bilan cheklanishi mumkin.

---