С а д р и д д и н а й н и й э с к и м а к т а б

чиларга нисбатан ҳеч қандай раҳм-шафқат қилманг. Ҳозирги
вақтда Совет ҳукуматининг қишлоқдаги ягона таянчи колхоз ва
колхозчилар эканлигини асло унутманг...»
Хатнинг охирида муҳр ва имзо ўрнида бир қанча шартли
белгилар бўлиб, ундан ҳеч нарсани тушуниб бўлмасди.
Кемадан олиб чиқилган нарсаларни текшириб бўлгач, Сеня
телефонда асирларни ва буюмларни олиб кетиш учун заставадан
машина сўради, сўнг асирларни сўроқ қилишга киришди.
Сеня асирлардан номи ва отасининг номини, қаерлик ва қандай
иш билан шугулланишларини, бу томонга нима мақсад билан
ўтганликларини, яроқларни қаерда ва ким томонидан тайёрланга-
нини, ниҳоят, кимга олиб бораётганликларини бирма-бир сўраб
чиқди.
Сеня берган ҳар бир саволни Қурбон таржима қилиб турди.
Лекин асирлар бирон саволга ҳам жавоб бермас, медицина
музейига қўйилган скелетлар каби ҳаракатсиз қотиб турардилар.
Сўроқлар турли формада бир неча бор такрорланса-да, улар
ғинг демай туравердилар... Тонг оқара бошлади, лекин улардан
ҳеч қандай жавоб олинмади.
Сўроқнинг нитижасиз чўзилиб кетаётганидан зериккан Етим
Норбибишнинг ман этиши ва тўсқинлигига қарамай, сўроқ қилиш-
да қатнашиш ва асирлардан бирон жавоб олиш мақсадида
ўрнидан туриб, уларнинг олдига борди ва асирларни ёругликда
кўрди-да:
— Бўлди-бўлди, иш тамом! Сизлар сўроқ қилиб, овора бўлнб
ўтирманглар, булар жавоб бермаган бўлса, уларнинг номидан
мен жавоб бераман,— деди.
232
www.ziyouz.com kutubxonasi

---

Ҳамма Етимга қараб, ҳайрон бўлиб жим туриб қолди. У асир-
ларнинг кексароғини кўрсатиб:
— Мана бу менинг олдинги хўжайиним, отамни ўлдиришга