Toshkent tibbiyot akademiyasi huzuridagi harbiy-tibbiyot fakulteti

uzoq 
muddatli jangni olib borishga
tayyor bo„lishi kerak.
Bo„linmalar egallab turgan pozitsiyalarini (hududlarini) qattiq turib mudofaa 
qilishlari kerak, hatto to„liq qurshovga tushib qolgan va qo„shni bo„linmalar bilan 
taktik aloqa mavjud bo„lmagan taqdirda ham. Ular katta komandirning buyrug„isiz 
egallab turgan pozitsiyalarini (hududlarini) tark etish va chekinish huquqiga ega 
emas.
Mudofaa turg„unligi va faolligiga quyidagilar orqali erishiladi: 
mudofaalanayotgan bo„linmalarning matonati, bardoshliligi va qat'iyati, ularning 
yuksak ma'naviy ruhi; dushmanni uzluksiz razvedka qilish, uning hujumga 
tayyorlanayotganligi va ehtimoliy hujum yo„nalishlarini o„z vaqtida fosh qilish; 
motoo‟qchi batalyon (vzvod) jangovar tartibini puxta niqoblash hamda himoyaning 
tuzilishi va harakatlar g„oyasi yuzasidan dushmanni chalg„itish; mudofaani 
mohirona, har xil usullarda qurish; tabiiy joyning qulay sharoitlari va uning 
muhandislik jihozlaridan ustalik bilan foydalanish; muhandislik to„siqlari, tayanch 
punktlari va o„t ochish pozitsiyalarining tizimlari bilan birgalikda puxta 
rejalashtirilgan o„t ochish tizimini yaratish; ishonchli havo hujumiga qarshi 
mudofaa vositasida; bo„linmalar, o„t ochish vositalari va o„t ochish amali bilan 
nisbatan xavfli bo„lgan yo„nalishlar tomon o„z vaqtida manyovr qilish; mudofaaga 
yorib kirgan dushman va uning tushirgan desantlarini zudlik bilan yo„q qilish; 
mudofaada dushmanni gangitadigan, uni qiyin ahvolga solib qo„yadigan, siz 
istagandek harakat qilishga majbur qiladigan kutilmagan taktik usullarni qo„llash; 
doimiy ravishda bo„linmalarni dushmanning ommaviy qirg„in quroli va o„ta aniq 
qurolidan himoyalash bo„yicha chora-tadbirlarni bajarish; qarshi hujumlarni olib 
borish bilan birgalikda mudofaa hududlarini (tayanch punktlarini) sabot bilan va 
uzoq vaqt qo„lda saqlab turish.
Motoo‟qchi batalyon qarshi hujumni, qoidaga ko„ra, brigadaning qarshi 
hujumi bilan birgalikda amalga oshiradi. Vaziyatning qulay sharoitlarida, 
mudofaani kam sonli dushman kuchlari yorib o„tgan vaqtda brigada komandirining 
ruxsati bilan motoo‟qchi batalyon mudofaaga yorib kirgan dushmanni yo„q qilish 

---

53 
va boy berilgan holatni tiklash uchun mustaqil ravishda qarshi hujumni amalga 
oshirishi mumkin.
Motoo„qchi (tankchi) batalyon (vzvod) brigadaning birinchi yoki ikkinchi 
eshelonida, ilg„or pozitsiyada mudofaalanishi, umumqo„shin rezervini tashkil 
qilishi, desant hujumiga qarshi rezervda yoki brigada (motoo‟qchi batalyon) 
jangovar tartibining boshqa elementlari tarkibida bo„lishi mumkin. Jangdan chiqish 
va chekinish vaqtida motoo‟qchi batalyon arergardga, vzvod esa vaziyat 
sharoitlaridan kelib chiqqan holda front orti (yon tomon) yurish zastavasiga yoki 
himoyalash bo„linmasi sifatidagi harakatlar uchun tayinlanishi mumkin.
Motoo„qchi brigadaning tankchi,motoo‟qchi batalyoni uning birinchi yoki 
ikkinchi esheloni tarkibida harakat qilishi, motoo‟qchi batalyon (vzvod) taktik 
guruhlarining shakllanishini ta'minlashi, harbiy okrug qo„shinlarining tankka 
qarshi rezervi tarkibiga kirishi, shuningdek, bir qism kuchlari bilan brigadaning 
umumqo„shin yoki tankka qarshi rezervi tarkibida harakat qilishi mumkin.