Farg‘ona politexnika instituti “Elektronika va asbobsozlik” kafedrasi

I bob. Axborot xavsizligi va tashkilotlarda radiopistirmani joriy etilishi. 
1.1.Axborot havfsizligi, uning ahamiyati va yo‘nalishlari. 
Mamlakatni jadal rivojlantirish borasidagi dasturiy vazifalarni amalga oshirishda 
fanni va ilmiy infrastrukturani rivojlantirish g‘oyat muhim ahamiyatga 
ega. Axborotlashgan jamiyatga o‘tish muammolariga O‘zbekiston Respublikasida 
ham katta ahamiyat berilmoqda. Davlatimiz rahbari I.A. Karimov «Men XXI asr 
ma’naviyat asri, ma’rifat asri, ilm-fan, madaniyat va axborot asri bo‘lishga qat’iyan 
aminman» degan so‘zlari bunga yaqqol misol bo‘la oladi. Respublikada 
axborotlashtirish jarayonini jadallashtirish maqsadida O‘zbekiston Respublikasi 
Vazirlar Maxkamasining 1992 yil 8 dekabr qarori bilan Fan va texnika Davlat 
qo‘mitasi (FTDQ) qoshida Axborotlashtirish bo‘yicha bosh boshqarmasi tuzildi. 
O‘zbekiston Respublikasi FTDQ tashubbusi bilan “Axborotlashtirish haqida” (1993 
yil, may), “ EHM va ma’lumotlar bazasi uchun dasturlarni xuquqiy muhofazalash 
haqida” 
(1994 yil, may) qonunlari, O‘zbekiston Respublikasi Vazirlar 
Maxkamasining O‘zbekiston Respublikasining axborotlashtirish konsepsiyasi qabul 
qilindi. 
Axborotlashtirishning asosiy predmeti axborotning turli shakllari paydo bo‘lish 
barobarida unga bo‘lgan turli havf-xatar va tahdidlar ham paydo bo‘ladi va tabiiyki, 
axborotni himoyalashga ehtiyoj tug‘iladi. Axborotning qanday turi bo‘lishidan qat’iy 
nazar, har qaysi davrda ham uni qo‘lga kiritish uchinchi shaxs uchun muhim bo‘lib 
kelgan. Buni ayniqsa o‘zaro raqobatdagi ikki tizim misolida ko‘rish mumkin. Ushbu 
tizimga ishlab chiqarish sohasidan tortib davlat ahamiyatidagi tashkilotlar misol bo‘la 
oladi. Albatta axborotga ruhsatsiz ega bo‘lishga intilish axborot texnologiyalari 
sohasining rivoji natijasida yanada jadal tus oldi, biroq axborot havfsizligiga bo‘lgan 
texnik tahdidlar ham shu bugungacha dolzarb muammoligicha qolmoqda. Hususan 
telefon liniyalari orqali, bevosita akustik kanallar orqali va hujjatlardan nusxa olish, 
videokuzatish kabi axborotni ruhsatsiz qo‘lga kiritishga urinishlarni bartaraf etishning 
chora - tadbirlarining o‘ziyoq katta bir sohani qamrab oladi.
Hozirgi kunda xavfsizlikning bir qancha yo‘nalishlarini qayd etish mumkin.