Умк иш юритишдекаб+++

 
ME’YORIY HUJJATLAR 
 
O’ZBEKISTON RESPUBLIKASINING DAVLAT TILI TO’G’RISIDA 
(O’zbekiston Respublikasi Oliy Kengashining Axborotnomasi, 1989 y., 26-28-son, 453-
modda; 1991 y., 11-son, 273-modda) 
Ushbu Qonun o’zbek tilining O’zbekiston Respublikasining butun xududida 
(maydonida) davlat tili sifatida amal qilishining huquqiy asoslarini belgilab beradi. 
O’zbekiston Respublikasi hududida yashovchi barcha grajdanlar, qaysi til 
ularning ona tili ekanligidan qat’i nazar, tengdirlar. 
O’zbekiston Respublikasi grajdanlarning respublika davlat tilini, SSSR xalqlari 
tillarini hamda chet tillarni o’rganishga bo’lgan intilishini har tomonlama qo’llab-
quvvatlaydi. 
1-modda. 
O’zbekiston Respublikasi o’zbek tilini butun choralar bilan rivojlantiradi va 
uning siyosiy, ijtimoiy, iqtisodiy va madaniy hayotning barcha sohalarida amal qilishini 
ta’minlaydi. 
Milliy va rus, rus va milliy tillarda muloqot qilishni rivojlantirish uchun qulay 
shart-sharoit yaratiladi. 
2-modda. 
O’zbekiston Respublikasi mustaqil va teng huquqli respublika sifatida o’z 
hududida tilga oid har qanday masalani hal qilish huquqiga ega.