Yer usti transport tizimlari

Гидравлик цилиндр.
(92-расм, 8-позиция). Қишлоқ хўжалик машинасини 
кўтариш ва туширишга хизмат қилади. Тракторда кетинги кўпригига 
жойлаштирилган осма механизм билан битта асосий гидравлик цилиндрга эга. 
Кўчириб фойдаланувчи гидравлик цилиндрлар эса, қишлоқ хўжалиги 
машиналарини айрим қисмларини кўтариш ва туширишга хизмат қилади. 
Марказидаги рақам гидравлик цилиндрнинг диаметрини кўрсатади. 

---

138 
Тақсимлагич.
(92-расм, 4-позиция). Тақсимлагич босим остида мойни 
гидравлик цилиндрга етказиб беради. Мойни, керак бўлса, гидравлик 
цилиндрнинг юқори камерасига, керак бўлса, поршеннинг остига жўнатади. 
Ишлар бажариб бўлгандан сўнг, автоматик равишда салт юриш холатига 
ўтказади. 
Тракторларга тўрт секцияли, клапан-золотникли, хар бир золотникка 
мустақил ишлайдиган тақсимлагич қўйилган. Хар бир золотник биттадан 
гидравлик цилиндрни бошқаради. Унинг тўртта холати бор: “нейтрал”, 
“юқорига”, “пастга” ва “сузувич” холатлари. 
Осма механизм. 
Трактор билан осма қишлоқ хўжалик машинасини боғлаш осма 
механизмнинг вазифаси хисобланиб, уларни ишчи ва транспорт холатларига 
ўтказади. 
Осма механизм трактор рамасига қатирилган пастки 1, юқориги 3 ўқлардан, 
юқориги тортқи 10 (централный), кўтарувчи ричаг 9 ва у билан боғланган 
тортқи 13 лардан иборат, 93-расм. 
Осма механизмлар икки хил бўлади: 
-икки нуқтали схема; 
-уч нуқтали схема. 
Икки нуқтали схема асосан тиркама плуг билан ишловчи тракторларда 
қўлланилади.