Ўзбекистон “Маҳалла” хайрия жамоат фонди

Ташкилий ҳужжатлар мазмунан муассасанинг 
ҳуқуқий мақоми, таркиби, бошқарув жараѐнининг 
боришида жамоа иштирокининг қайд қилиниши, бошқа 
ташкилотлар билан алоқаларнинг ҳуқуқий томонлари каби 
масалаларни акс эттиради. Низомлар, йўриқномалар, 
мажлис баѐнлари, шартномалар ана шундай ташкилий 
ҳужжатлар сирасига киради. 
Фармойиш ҳужжатлари гуруҳига буйруқ, кўрсатма, 
фармойиш кабилар киради. 
Маълумот-ахборот ҳужжатлари анча катта гуруҳни 
ташкил қилади, бундай ҳужжатларнинг иш юритиш 
жараѐнидаги иштироки ҳам жуда фаол. Бу гуруҳ 
далолатнома, маълумотнома, ариза, тушунтириш хати, 
ишончнома, тавсифнома каби ҳужжатларни ўз ичига 
олади. 
Хизмат ѐзишмалари мазмунан хилма-хил бўлади. 
Уларда муассаса фаолиятининг турли масалалари билан 
боғлиқ талаб, илтимос, кафолат кабилар акс эттирилади.
Шуни ҳам алоҳида таъкидлаб ўтиш керакки, 
ҳужжатларнинг ҳар бир тури ўз тили ва услубига эга 
бўлиши билан бирга, уларга қўйиладиган умумий талаблар 
ҳам мавжуд. 
Фуқаролар 
йиғини 
томонидан 
бериладиган 
ҳужжатлар компьютерда ѐзилиб, принтердан чиқарилган 

---

5 
бўлиши ѐки шарикли ручкада (кўк, қора ѐки бинафша 
рангда) ѐзилиши мумкин. 
Фуқаролар 
йиғини 
томонидан 
бериладиган 
ҳужжатларга маълум талаблар ҳам қўйилган бўлиб, улар 
қуйидагилар: 
- ҳужжатларда ўчириш ѐки тузатишга йўл қўйилмайди; 
- ҳужжатларнинг ҳар бир тури умум қабул қилинган 
шаклда ва муайян изчилликда тузилади; 
- ҳужжат матни қисқа, равон, аниқ ва мантиқли (ортиқча 
сўз ва иборасиз) баѐн қилиниши керак. Ҳужжат тили жуда 
қисқа ва лўнда бўлиши лозим; 
- ҳужжатларда фақат умум қабул қилинган қисқартма 
сўзлардан фойдаланилади; 
- бирор шахсга мурожаат этилганда “Сиз” олмоши, 
шунингдек унинг турланган шакллари (Сизга, Сизнинг, 
Сиздан ва ш.к.) бош ҳарф билан ѐзилади; 
- сон, одатда, рақам билан ѐзилади. Пул ҳужжатлари 
(ишончнома, тилхат ва б.)да рақамдан сўнг қавс ичида шу 
рақамнинг сўздаги ифодаси кўрсатилади; 
- араб рақамлари билан ифодаланган тартиб сонларидан 
сўнг қўшимча ѐзилмай, унинг ўрнига чизиқча (-) қўйилади: 
1-чорак, 2-банд. Рим рақамидан сўнг ҳеч қандай қўшимча 
ѐзилмайди: I чорак, II банд; 
- фуқаролар йиғини ва унинг органлари томонидан 
бериладиган ҳужжатлар унинг мансабдор шахслари 
томонидан имзоланишини талаб қилади. Аввал, ҳужжатга 
имзо чекадиган мансабдор шахс лавозимининг номи, сўнг 
шахсий имзоси ва фамилияси (тўлиқ) исми, шарифи 
(инициаллари 
– 
бош 
ҳарфлари) 
кўрсатилади. 
Ишончномада уни берувчи шахснинг имзосидан ташқари, 
ушбу имзони тасдиқловчи мансабдор шахс имзоси ҳам 
бўлади; 
- ҳужжатларда саналар араб рақамлари билан ѐзилади. 
Бунда ўзбекча гап тузилишидан келиб чиққан ҳолда, 
қуйидаги шаклда берилади: 2015 йил 22 август 
(2015.22.08). 

---

6 
Ушбу қўлланма ѐзма нутқ малакасини эгаллашга, 
турли ҳужжатларни мустақил, тўғри ѐзишда фуқароларга 
кўмак беради деган умиддамиз. 

---

7