O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

Tekshirish usullari: 
Eshituv nervining faoliyati eshituv o‘tkirligi va kamerton 
yordamida Veber, Rinne, Shvabax tajribalarini o‘tkazib tekshiriladi.
Vestibulyar (dahliz) nervining faoliyatini tekshirishda bemorda nistagm, bosh 
aylanishi, ko‘ngil aynishi, qusish va ataksiya bor yoki yo‘qligiga e‘tibor beriladi. 
Zararlanish simptomlari: 
Eshituv nervi zararlansa, eshituvning kamayishi 
(quloq og‘iirroqbo‘lishi), yoki kar bo‘lib qolishi mumkin. Yaxshi eshitmaslikka 
gipakuziya, kar bo'lib qolishga anakuziya yoki surditas deyiladi. 
Eshituv nervi ta‘sirlansa, quloqda har xil tovushlar, guvillash, chiyillash va 
boshqa shu kabi sub‘yektiv sezgilar paydo bo‘ladi.
Vestibulyar nervning zararlanishi bemorda bosh aylanishi, ko‘ngil ayinshi, 
qusish, nistagm va ataksiya singari holatlarning vujudga kelishi bilan xarakterlanadi. 
Bosh aylanganda atrofdagi narsalar ostin-ustun bo‘lib ketayotganga o‘xshab bemorning 
ko‘ngli aynab qusa boshlaydi. Nistagm – ko‘zolmalarining ritmik ravishda qimirlab 
turishidir. Ko‘pincha, yon tomonga qaraganda nistagm paydo bo‘ladi (gorizontal 
nistagm). Agar nistagm yuqoriga qaralganda paydo bo‘lsa, vertikal nistagm deyiladi.
Vestibulyar nerv ta‘sirlansa, bemor kasallangan tomonga qaraganda nistagm 
namoyon bo‘ladi. Agar vestibulyar nervning faoliyati pasaygan bo‘lsa, qarama-qarshi 
tomonga qaralganda nistagm paydo bo‘ladi.
Vestibulyar nerv ta‘sirlansa, yoki faoliyati pasaysa, vestibulyar ataksiya 
namoyon bo‘lib, bemor zararlangan tomonga gandiraklab yuradi va Romberg belgisi 
kelib chiqadi.