O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

4.
 
axill refleksi 
bolg‘acha bilan axill payiga urishga javoban ikrasimon mushak qisqaradi va tovon 
kaftga tomon bukiladi. Bemor orqasi bilan yotganda vrach o‘zining chap qo‘li bilan bemorning 
tovonini ushlaydi, oyoqni tizza va chanoq-son bo‘g‘imida bukadi, o‘ng qo‘li bilan axill payiga 
bolg‘acha bilan uradi. Tekshiruvchi tizzasi bilan stulga shunday chiqadiki, uning tovonlari 
osilgan holda bo‘lishi kerak va shu holatda bolg‘acha bilan axill payiga uradi. 
Zararlanish simptomlari. 
Pay refleklari normal, oshgan, pasaygan va umuman bo‘lmasligi 
mumkin. Bir yoki bir necha reflekslarning oshishi doim patologiyadan darak beradi. Ko‘pincha 
pay va periostal reflekslarning lokal oshishi piramida tutami butunligining buzilishi tufayli 
yuzaga keladi, bu markaziy falajda kuzatiladi. Agar reflekslar ikki tomonda ikki xil bo‘lsa – bu 
anizorefleksiya deyiladi. Pay refleklarining keskin oshishi tizza qopqog‘i va tovonning 
klonusiga olib keladi. Pay va periostal reflekslarning lokal pasayishi segmentar apparatning 
organik zararlanishi bilan bog‘liq. Pay refleklari pasayishi va umuman bo‘lmasligi- periferik 
falajning xarakterli belgisi.