Vatan tuygusi 5 2015. p65

yorqin va noyob shaxslardan biri deb tan olinadi, katta
qiziqish bilan o‘rganiladi.
Sohibqiron o‘ta qiyin va murakkab tarixiy sharoitda o‘z yurtini –
hozirgi O‘zbekiston hududini ham qamrab olgan qadimiy Turkiston
zaminini mo‘g‘ullar zulmidan ozod qildi. So‘ngra «Amir Temur va
temuriylar davlati», «Amir Temur va temuriylar davri», «Amir Temur
va temuriylar renessansi» degan nomlar bilan jahon tarixidan o‘rin
olgan qudratli davlatga asos soldi. Dunyo tarixida bunday buyuk
ishlarga qodir bo‘lgan insonlar kamdan kam topiladi.
«Temuriylar» deganda, Amir Temur ishini davom ettirgan
uning farzandlari va barcha avlodlarini tushunamiz.
Amir Temur endigina katta hayotga qadam qo‘yayotgan paytda
yurtimiz dushmanga qaram edi. Mo‘g‘ul nomini eshitsa, hammaning
tizzasi qaltirardi. Hatto, o‘zining botirligi bilan nom qozongan, «baho-
dir» degan yuksak unvonga sazovor bo‘lgan Amir Temurning amakisi,
!

---

52
Kesh viloyatining hokimi Amir Xo‘ja Barlos ham mo‘g‘ul xonlarining
qahridan qo‘rqadi. U mo‘g‘ul xoni Tug‘luq Temur Movarounnahr
xalqini jazolash uchun kelayotganini eshitib, Amudaryodan o‘tib,
chet o‘lkalarga bosh olib ketadi. 24 yashar jiyani Temurbek esa,
amakisidan ruxsat so‘rab, ortiga qaytadi.
Mo‘g‘ullar Amir Temurning jasoratiga tan berib, uni Kesh vilo-
yatiga dorug‘a, ya’ni boshliq qilib tayinlaydi.
Amir Temur buyuk sarkarda, donishmand siyosatchi edi. U g‘alaba
askarning ko‘pligiga, mag‘lublik va yengilish esa lashkarning kamligiga
emas, balki Tangrining madadi va bandasining tadbiriga bog‘liq,
deb hisoblaydi.