Vatan tuygusi 5 2015. p65

O‘zbekiston madhiyasi 1992-yil 10-dekabrda qabul
qilingan bo‘lib, uning matnini O‘zbekiston Qahramoni Abdulla
Oripov, musiqasini esa kompozitor Mutavakkil Burhonov
yaratgan.
Davlatimiz madhiyasida Vatanimizning betakror go‘zalligi, xalqi-
mizning oliyjanob fazilatlari, mustaqilligimizning abadiyligi, yorug‘
kelajagimiz, yosh avlod Vatanning tayanchi ekani madh etiladi.
O‘zbekiston fuqarosi bo‘lgan har bir inson davlatimiz
madhiyasini yoddan bilishi va uning ma’nosini chuqur
tushunib, kuylay olishi kerak.
Dunyoda norasmiy timsollar ham ko‘p. Masalan, Amerika Qo‘sh-
ma Shtatlari deganda, Ozodlik monumentini, Fransiya deganda, Eyfel
minorasini, Xitoy Xalq Respublikasi deganda, Buyuk Xitoy devo-
rini, Hindiston deganda, Tojmahal yodgorligini eslaymiz. Bizning
yurtimiz haqida gap ketganda esa, ko‘pchilik Samarqand, Buxoro
va Xiva, Toshkent kabi ko‘hna shaharlarimizni, Registon, Ark,
Hazrati Imom kabi me’moriy yodgorliklarni, Buxoriy, Termiziy,
Xorazmiy, Samarqandiy, Toshkandiy kabi nomlar bilan dunyoga
tanilgan buyuk allomalarimizni ko‘z oldiga keltiradi.
Yurtdan olisda yurib, uni sog‘insak, o‘lkamizning shirin-shakar
mevalarini, go‘zal shahar va qishloqlarini, sodda va kamtarin inson-
larini yodga olamiz. Shularning barchasi timsolida jondan aziz
Vatanimizni ko‘rgandek bo‘lamiz.