Mavzu: Chaqaloqlar va bolalar kasalliklari. Tug’ma anomaliyalar. Muddatdan oldin tug’ilgan chaqaloqlardagi buzilishlar Homila umumiy shishi

Qorinchalararo to’siq defekti.
Qorinchalararo to‟siqning shakllanib borishi 
homiladorlikning dastlabki uch oyi ichida izdan chiqishi mumkin. Nuqsonlarning taxminan
85 foizi biriktiruvchi to‟qimadan iborat ustki (membranoz) qismida, yani aorta 
qopqoqlarining bevosita o‟ng tomondagi koronar va koronarmas tavaqalari tagidan joy oladi.
To‟siqning membranoz nuqsonlari deb shunga aytiladi. Bundan tashqari, nuqsonlar apikal
tomonda, to‟siqning muskul qismida joylashgan bo‟lishi mumkin (to‟siqning muskulga oid
nuqsonlari). Qorinchalararo to‟siqning nuqsonlari ko‟pgina hollarda o‟z-o‟zidan bekilib
ketadi. Saqlanib qoladigan nuqsonlarning kattaligi har xil bo‟ladi, ular juda mayda (bir
necha millimetr) bo‟ladi yoki diametri bir necha santimetrga etishi mumkin. Ular asosan
dumaloq yoki tuxumsimon shaklda bo‟ladi, bazan qorinchalararo to‟siqning ustki qismi
butunlay bo‟lmaydi. Bu xildagi kamchiliklarning oqibati nuqsonning katta-kichikligiga 
bog‟liq. Juda kichik nuqsonlar chaqaloq bolaning ahvoliga uncha tasir qilmaydi.
Qorinchalararo to‟sigida juda kattga nuqsonlari bo‟lgan bolalar ilk neonatal davrda nobud
bo‟lib ketadi. Nuqsonlar o‟rtacha kattalikda bo‟lganda bemorlar uzoqroq umr ko‟radi va
navqironlik davrda o‟lib ketishi mumkin. Sistola mahalida qon chap qorinchadan nuqson
orqali o‟ng qorinchaga o‟tib, shu qorinchadan o‟pka arteriyalari bo‟ylab o‟pka tomon
boradi. Nuqsonlar katta bo‟lgan mahallarda chap qorincha bo‟shlig‟i kengayib, Keyinchalik
uning funksiyasi ham izdan chiqadi. O‟pka tomirlarida qarshilik kuchayishiga javoban
chap qorinchada ham gipertrofiya boshlanadi. Natijada o‟pka gipertenziyasi tufayli o‟pka
tomirlarida skleroz boshlanib, keyin qonning nuqson orqali teskari tomonga qarab yurishiga 
sabab bo‟lishi mumkin. 
Infeksion endokardit mahalida boshlangan yurak yetishmovchiligi juda ko‟p hollarda 
o‟limga sabab bo‟ladi.