Ajiniyoz nomidagi nukus davlat pedagogika instituti sapayeva feruza davlatovna

 
Tayanch soʻz va asosiy tushunchalar: 
adabiyotshunoslik, 
arxeografiya, dialektologiya va tarixiy tilshunoslik, xorijiy 
matnshunoslik, paleografiya, germenevtika, mumtoz poetika va 
stilistika, Alisher Navoiyning 20 jildli “Mukammal asarlar 
toʻplami”, mumtoz adabiyot namunalarining joriy imloga tabdilidagi 
xatolar, adabiy merosga yangicha nuqtayi nazar.
 
Erkin ilmiy-ijodiy muhit barqarorlashgan Mustaqillik davri 
oʻzbek adabiyotshunosligida badiiy asar tahlilining zamonaviy, ilgʻor 
tendensiyalari boʻy koʻrsata boshladi. Adabiy merosga yangicha 
nuqtayi nazardan yondashish, mumtoz adabiyotimiz namunalarini 
ma’naviy-axloqiy tarbiyaning eng ta’sirchan asosi sifati har jihatdan 
oʻrganish istiqlol yillarida faol tus oldi. Yaqin oʻtmishda “diniy-
mistik”, “gʻayrishoʻroviy”, “saroy adabiyoti” degan siyosiy yorliqlar 
bilan oʻqish-oʻrganish man etilgan asarlar ilmiy oʻrganilib, koʻp 
nusxalarda chop etildi. Bu borada matnshunoslar, tadqiqotchilar 
xizmati e’tirofga loyiq. 
39

---

Biroq adabiy merosimiz namunalarini bugungi talab darajasida 
mukammal tadqiq etish va nashrga tayyorlash matnshunoslik sohasi 
oldiga jiddiy vazifalarni qoʻyayotgani sir emas. 
Ayni paytda matnshunoslik muammolari nimalardan iborat, 
ularning yechimi qanday, degan savollar dolzarb boʻlib turibdi. 
Matnshunoslik oldida yechimini kutayotgan dolzarb muammolar 
nimalarda koʻrinadi?