Рисола-и хожа азийзон

---

“Рисола-и хожа азийзон” Хожа Азийзон Алий Ромитаний(қ.с)
 
Баҳриддин Умурзоқ таржимаси
www.ahlisunna.uz
 
 
 
“РИСОЛА-И ХОЖА АЗИЙЗОН” 
Хожа Азийзон Алий Ромитаний (қуддиса сирруҳу) Хожагон силсиласида “Ҳазрат 
Азийзон” номи билан маълум ва машҳурдир. Таваллуд ерлари Бухоро вилояти яқинидаги 
Ромитан мавзеъси. Вафот этиб дафн бўлган жойлари эса Кўҳна Урганчдадир.
Хожа Азийзон Хожа Маҳмуд Анжир Фағнавий (қаддасаллоҳу таъоло сирраҳу)нинг
ўринбосарларидан. Бу зот зоҳир ва ботин (шариат ва тариқат) илмларида ўз даврининг 
пешқадами, етук уламоси сифатида танилган эди. Азим риёзатлар ва хос каромотлар 
соҳиби эди. “Рашаҳот”да Хожа Азийзон тўқувчилик қилиб ўз рўзғорлари эҳтиёжларини 
таъминлаганлари ёзилган.
Етти иқлимдаги араб-у ажамлик фозиллар зоҳир-у ботин поклиги йўлида ғайратли 
бўлган бу зот ҳақида ҳурмат-эҳтиром билан сўзлар битишган. Чунончи, Мавлоно 
Абдураҳмон Жомий “Нафоҳату-л-унс” китобида Мавлоно Жалолиддин Румий 
ҳазратларининг қуйидаги мисраларини келтирганлар: 
Гар на илм-и ҳол фавқи қол буди, кай шуди 
Банда аъён-и Бухоро Хожа-йи нассожро?! 
(Яъни, қол илми ҳол илмидан устун бўлса, Бухоро уламолари тўқувчи Зотга
хизматкор бўлишармиди?!)
Мазкур мисраларда Хожа Азийзоннинг солиҳлик ҳолига соҳиб-и илм бўлган не-
не аллома-и замонлар тан беришганига ва ул зотга шогирд бўлишни ўзларига улуғ шараф 
деб билганларига ишора қилинмоқда. 
Қуйида Хожа Азийзон Алий Ромитанийнинг бир муборак рисоласини аслиятдан 
таржима қилиб, эътиборингизга ҳавола қилмоқдамиз. Ҳазратнинг ҳикмат билан
йўғрилган ушбу мўъжаз рисоласи кўнгил оламингизнинг нурланишига, иймонингизнинг 
қувват топмоғига сабаб бўлади, деган умиддамиз. 
Баҳриддин Умурзоқ. 
РИСОЛА-И ХОЖА АЗИЙЗОН АЛИЙ РОМИТАНИЙ