Microsoft Word Tursunboyev S. O'zbek teatri tarixi. Majmua

O. XO'JAYEV VA I.PO’LATOV OBID JALILOVNING SOLIHBOYI HAQIDA 
 
  “Boy  ila  xizmatchi”da  Solixboyni  Obid  aka  Jalilov  o’ynaydi.  Bu  aktyor  To’la 
Xo’jayevning  yangi  taxririda  ham  shu  rolni  olib  chiqdi.  O.  Jalilov  bu  rolni  qanday 
o’ynaganligi haqida turli qarashlar mavjud. Ammo barcha fikrlar jamlanganida shu xulosa 
yorqinlashadiki, artist Jalilov Solixboy rolini o’ynaganida bosh yo’naltiruvchi kuch fikr va 
tafakkur  bo’lgan.  Ana  shu  spektaklda  u  eng  intelektual  aktyorlardan  biri  bo’lib  ko’rindi. 

---

Hammaning medasiga tekkan go’l, dushman obrazi bo’lib emas, u barcha ko’p qirrali jonli 
inson ekanligini ko’rsata olgan. Bu haqda gapirishimning sababi bor – Obid akadan keyin 
Solixboy obrazini o’ynash oson emas. Talqin borasidan men u kishi bilan baholashmoqchi 
emasman.  Men  ham  ko’p  qirrali  xarakterga  ega  bo’lgan  ijtimoiy  sinfiy  qiyofasi,  niyatlari 
ifodalangan  Solixboyni  o’ynash  niyatim.  Lekin  xuddi  Obid  Jalilovning  o’ziga  o’xshatib 
o’ynash mening qo’limdan kelmaydi. Chunki biz turli o’ynalishdagi aktyorlarmiz.  
Olim Xo’jayev. Tafakkur teatri  
“O’zbekiston madaniyati” 1968 y. 3 sentyabr. 
 
 
Solihboy siymosinig tabiatida  nutqning badiiy  ifoda  usullari kam  uchraydi.  (Jamilaga 
“mening  oltinlarim  shunday  zabardastki,  yerga  kirsang  qulog’ingdan  ,  osmonga  chiqsang 
oyog’ingdan  tortib  qo’ynimga  olmaday  qilib  solib  qo’yadi”  kabi  iborasidan  tashqari, 
“cho’risi bo’lma, guli bo’l” kabi so’zlar “ishq”ni izhor qilish vaqtidagina qo’llaniladi.) 
Uning nutqiy tabiati ko’proq voqea yoki hodisaga o’z munosabatini soda, oddiy so’zlar 
vositasi  bilan  ifodalashda  ko’rinadi.  Siymo  shunday  puxta  yaratilganki,  hech  qanday 
“qanoatli so’zlar”ga hojat qolmaydi. Bu esa tabiiyki, siymosining badiiy qimmatini yana bir 
daraja yuqori ko’targan. 
Obid  Jalilov  Solihboy  tabiatiga,  nutqiga  o’ziga  xos  “rang”  berishiga  intilar  ekan,  u 
nutqinig nihoyatda soda va oddiy bo’lishini ta’minlaydi. Lekin bu so’zning sarmazmun va 
harakatchan  ifodalanishiga  putur  yetkazadi  degan  gap  emas,  aksincha  undagi  soddalik  va 
tabiiylik  siymosining  badiiy  qiymatini  bo’rttirishga  xizmat  ettirgan.  Shuning  uchun  ham 
artiet ma’lum bir jumlani harakat uchun eng qudratli qurol sifatida tanlab oladi-da, uni yana 
ham charxlab, maqsad qulfini ochish uchun “raqibiga” aqrab otadi. 
 
I.Po’latov. “Sahna nutqi”.  
“O’qituvchi” nashriyoti 1994 yil. 68-bet