Microsoft Word Tursunboyev S. O'zbek teatri tarixi. Majmua

 
M. Berdiyev
 «Malika» «O’zbekiston 
madaniyati» gazetasi 1975-yil, 
21-fevral, 15-son. 
 
 
BIRINCHI BO’SA 
 
(Birinchi ko’rinishdan parcha)
 
 
S h o k i r. Sakkizdan o’ngacha birga o’qidik. U «A»da, men esa «B»da. Axir, amaki, 
shu paytgacha biror og’iz gap gapirolmasam-a! Gapiray derdimu, ko’zi ko’zimga tushgach, 
gapirolmay  qolardim.  Mana  bu  yerimda  bir  narsa  paydo  bo’lib  qolardi.  Gapirolmay 
qolardim.  Bugun dilimdagini  hammasini aytaman, deb ahd qilgandim. Yanglishib qolsam, 
qog’ozga qarab olaman, deb yozib olgandim. Mana, amaki, mana (
cho’ntagidan qog’oz olib 
ko’rsatadi
).  Har  kuni  soat  yettidan  yetti  yarimgacha  anavi  haykal  oldida  uni  kutardim,  u, 
albatta  bir  marta  o’tib  ketardi.  Bu  bizning  uchrashuv  edi.  Ko’z,  dil  bilan  gaplashar  edik. 
Bugun... bugun... yo’q, gapirolmayman. (
Bir oz jimib
.) Bugun u, Laylo o’tib ketdi. Bir yigit 
bilan  o’tib  ketdi.  Axir,  amaki,  shunaqa  ham  bo’ladimi-a?  Ayting,  mana,  siz  kattasiz-ku, 
shunaqa bo’ladimi, men...men... 
O d i l   a k a.  Yig’lama,  o’tib  ketsa,  akasi  yoki  qarindosh-urug’idir,  shunga  ham 
yig’laydimi. 
S h o k i r.  Yo’q,  keyin  anavi  chinor  tagida  Laylo  o’sha  yigitga  bo’sa  berdi.  Axir, 
amaki,  bu  tilni  qarang,  sizga  hammasini  tutilmay  gapiryapti-ya!  Axir  shuncha  yildan  beri 
o’shanga gapirsa bo’lmasmidi-a? Amaki, gapirsa bo’lmasmidi?! 
O d i l    a k a  (
Shokirning  yelkasiga  qo’lini  qo’yib,  yupatib
).  Bo’ldi,  bo’ldi,  o’zingni 
bos! Yoshing nechada. 
S h o k i r. O’n sakkizda, u ham. 
O d i l  a k a. Mayli, o’g’lim, hali yosh ekansizlar, topishib ketasizlar. 
S h o k i r  (
Odil  akaning  qo’lini  yelkasidan  shahd  olib  tashlab  va  turtib  yuborib
). 
Yo’q! Birinchi bo’sa harom bo’ldimi, bo’ldi, poklik tamom! Men unga qaramayman. 
O d i l    a k a.  Gaping  to’g’ri.  Bunaqa  paytda  odam  bir  narsa  deyishga  ham  qiynalib 
qolarkan. Nima desam ekan? 
S h o k i r.  Ana,  amaki,  ko’rdingizmi.  Mana  bu  yerim  yonib  ketyapti-da!  Shuning 
uchun ham ichdim. 

---

O d i l    a k a.  O’g’lim,  har  narsa  bo’lsa  ham  ichmagin.  Oqibati  juda  yomon,  mening 
o’g’lim ham... Ichkilik — juda yomon dushman.