Microsoft Word Tursunboyev S. O'zbek teatri tarixi. Majmua

 
Sotimboy Tursunboyev
. «O’zbekiston madaniyati» 
gazetasi, 1981-yil, 13-fevral. 
 
«SHOSHMA QUYOSH». 
SORA ESHONTO’RAYEVA SANOBAR ROLIDA 
 
Garchi Sanobaning 20 va 40 yoshligi bo’lib Shukurjon Safoyeva va Rixsi Ibrohimova 
chiqsa-da,  bari  bir  60  yoshli  Sanobar  —  S. Eshonto’rayeva  butun  voqealarni  aqldan, 
qalbdan o’tkazadi. Har qanday ijrochi uchun bu o’ta murakkab ish. Ammo mohir san’atkor 
Sora  Eshonto’rayeva  bunday  ulkan  ijodiy  —  psixologik  yukni  ko’tardigina  emas, 
qahramonning  holatlari  silsilasini  kuchli  emotsional  bo’yoqlarda,  tomoshabinlarni  larzaga 
soladigan  darajada  ta’sirli  qilib  ifoda  qildi...  Sanobar  o’z  ishi,  o’z  so’ziga  qattiq 
ishonadigan, o’ylaganini  izchil amalga oshiradigan,  mehnatkashning boshini silab, ko’ngli 
qora,  jamoat  ishiga  to’sqinlik  qiluvchilarni  sira  ayamaydigan  ajoyib  rahbar  sifatida 

---

gavdalanadi.  Umuman,  spektaklda  uch  ijrochi  birga  bo’lib,  Sanobar  xarakterining 
shakllanish jarayonini, hayot yo’lini va fojiasi halqalarini ishonarli qilib ko’rsata oladilar. 
 
Muhsin Qodirov
, O’zbekistonda xizmat ko’rsatgan 
fan arbobi. «O’zbekiston madaniyati» gazetasi, 
1981-yil, 20-fevral, 15-son. 
 
 
RUSTAM HAMIDOV 
O’zbekiston  xalq  artisti  Rustam  Hamidov  1990  yillardan  e’tiboran  “Navro’z”, 
“Mustaqillik”  va  boshqa  yirik  sanalarga  atalgan  teatrlashgan  tomoshalar  badiiy  rahbari  va 
rejissori  sufatida  maydon  san’ati  estetik  tamoyillariga  asos  solgan,  1973-1993  yillarda 
Milliy akademik teatrda rejissor va bosh rejissor sifatida ishlab, milliy sahna san’ati rivojiga 
munosib hissa qo’shgan ijodkorlardan biridir.  
R.Hamidov  1949  yili  Toshkentda  tug’ilgan.  1972  yili  Toshkent  san’at  instituti 
rejissorlik bo’limini tugatgan.  
Rejissor  ijodining  alohida  ko’zga  tashlanib  turuvchi  xususiyatlaridan  biri  aktyor 
layoqatini ochishda namoyon bo’ldi.  Agar “Qiyomat qarz”, “Shoshma quyosh”, “Kuzning 
birinchi  kuni”  spektakllarida  Sh.Burxonov,  S.Eshonto’rayeva,  Z.Muhammadjonov  kabi 
ulkan  aktyorlar  iste’dodining  yangi  qirralari  namoyon  bo’lgan  bo’lsa,  I.Sultonovning 
“Ko’rmayin  bosdim  tikanni”,  Shekspirning  “Koriolan”,  S.Axmadning  “Kuyov”  asarlari 
asosidagi spektakllarida Yayra  Abdullayeva, Tesha Mo’minov, G’ani  A’zamov  va boshqa 
aktyorlar yangi ijodiy na’munlari bilan ko’rindilar.