Microsoft Word Tursunboyev S. O'zbek teatri tarixi. Majmua

 
 
D i l o r a. Oyijonim. Oyijonginam. Kimlarga tashlab ketdingiz bizni. 
G u l n o z a (
uni quchib
). Qo’ying, o’zingizni bosing, opajon... 
I m o m.  Sabr  qiling,  qizim.  Insho  ollo  maassobirin.  Inchunin:  Ollo  sabr  qilguvchilar 
bilan birgadir, deganlar. Sabr qiling, bolam. Endi bizga ruxsat bersalar... 
B o’ r s i q.  Hozir,  taqsir,  hozir.  Xo’jayin  Sizga  o’z  izzati  ikromlarini  shaxsan  izhor 
qilmoqchilar... Mana, o’zlariyam... 
(
Koshona  zinasida  egnida  beqasam  to’n,  belida  belbog’  boshida  do’ppi,  Sarvar 
chiqadi. Juda ozgan, yuzlari so’liqqan. U shiyponga kelib o’tiradi
). 
S a r v a r. Sizga katta rahmat, taqsir. 
I m o m. Sizga ham rahmat, uka. Onaizorining ruhini shod etgan farzand, u dunyo, bu 
dunyo Allohning inoyatiga sazovor bo’lgusidir. Endi bizga ruxsat, ukajon. 
S a r v a r.  Bir  daqiqa  sabr  qilgaysiz,  hazratim.  Gunohkor  banda,  o’lim  to’shagida 
yotganimda bir niyat qilgan edim. Shu niyatimga oq fotiha bersangiz... 
I m o m. Jonim bilan inim. 
D a r v e s h a l i. Bo’lmasa bizga ruxsat, Sarvarbek. 
S a r v a r.  Yo’q,  sizga  ham  ruxsat  yo’q,  do’xtir.  Qilgan  niyatimning  sizga  ham  daxli 
bor...  Gap  shundaki,  aziz  taqsir,  Onaizorim,  volidam,  mehribonim  men  sabab  olamdan 
o’tdilar, men takabbur banda esam tirik qoldim. 
I  m  o  m.  Bunday  demang,  inim.  Bu  bebaho  dunyoda  neki  ish  sodir  bo’lsayam  bari 
Allohning irodasidandir, uka. 
S a r v a r.  Xullas  kalom,  bu  ko’rguliklardan  keyin,  kamina  bu  o’tkinchi  dunyoning 
barcha lazzatlaridan voz kechib, Hajga ketishni niyat qildim. 
I  m  o  m.  Barakallo,  uka,  barakallo.  Ko’p  yaxshi  ishga  bel  bog’labsiz.  Haj  — 
musulmonchilikning  beshta  farzidan  biridir.  Alhamdilulloh,  Siz  ham  musulmonsiz. 
Niyatingizga yeting. 
S a r v a r. Tashakkur, hazratim. Toki, muqaddas makonlarimiz Makkai Mukarrama va 
Madinai  Munavvarani  ziyorat  etsam,  dargohi  ilohiy  va  janob  payg’ambarimiz  qabrini 
ziyorat qilsam... barcha gunohlarimni yodimga olib tavba-tazarru etsam deyman, taqsir. 
I m o m. Ilohi ovmin. 
S a r v a r.  Siz  hazratimdan  iltimos:  bandai  ojizning  bul  niyatini  mahalla  aqli  va 
masjidimiz qavmiga yetkuzsangiz... 
I m o m. Bajon-u dil, bajon-u dil... 

---

S a r v a r.  Yana  mahalla  ahliga  yetkazsangizki,  osiy  banda  shu  mahallada  istiqomat 
qilib,  kimlargaki  ozor  bergan  bo’lsam,  ularning  har  biridan  kechirim  so’rayman.  Mabodo 
Hajda biror kori hol yuz berib, qayta ko’rishmoq nasib etmasa... 
D i l o r a. Qo’ying bunaqa gaplaringizni. (Yig’lab) undan ko’ra, yaxshi niyat qiling. 
S a r v a r.  Yana  bir  niyatim:  kecha  Haj  safariga  otlanishdan  avval  mahalla  masjidiga 
bir million so’m xayri ehson qildim... 
I m o m. Olloi taolo o’z dargohida qabul qilg’ay bu ehsoningizni... 
S a r v a r.  Mahalla  kam-ko’stlari  va  yetim-yesirlari  uchun  o’n  million  so’m 
qoldirdim... 
D i l o r a (
sekin
). Muncha ko’p. Besh million ham yetar edi. 
S a r v a r  (
unga  quloq  solmay
).  Bu  pullarning  hammasini  shu  bugun,  kechi  bilan 
ertaga manovi Bo’rsiqvoy... mening yordamchim yetkazib beradi sizlarga. 
 
(Muallif qo’lyozmasi 
asosida chop etildi).